ஸ்ரீமீனாட்சிசுந்தரம்பிள்ளையவர்கள் பிரபந்தத்திரட்டு
குளத்தூர்க்கோவை. (4611-5049 )
பிள்ளையவர்களின் "பிரபந்தத்திரட்டு" பகுதி 38
pirapatat tiraTTu - 38 : kuLattUrkkOvai
tiricirapuram mInATcicuntaram piLLai
In tamil script, unicode/utf-8 format
Acknowledgements:
Our Sincere thanks go to Tamil Virtual Academy for providing a scanned PDF of this work.
This etext has been prepared using Google OCR online tool and subsequent proof-reading of the output file.
Preparation of HTML and PDF versions: Dr. K. Kalyanasundaram, Lausanne, Switzerland.
© Project Madurai, 1998-2020.
Project Madurai is an open, voluntary, worldwide initiative devoted to preparation
of electronic texts of tamil literary works and to distribute them free on the Internet.
Details of Project Madurai are available at the website
https://www.projectmadurai.org/
You are welcome to freely distribute this file, provided this header page is kept intact.
ஸ்ரீமீனாட்சிசுந்தரம்பிள்ளையவர்கள் பிரபந்தத்திரட்டு
குளத்தூர்க்கோவை. (4611-5049 )
பிள்ளையவர்களின் "பிரபந்தத்திரட்டு" பகுதி 38
Source:
ஸ்ரீமீனாட்சிசுந்தரம் பிள்ளையவர்கள் பிரபந்தத்திரட்டு
திருக்கைலாய பரம்பரைத் திருவாவடுதுறையாதீனத்து மஹாவித்துவான் திரிசிரபுரம் ஸ்ரீமீனாட்சிசுந்தரம் பிள்ளையவர்களின் பிரபந்தத்திரட்டு இது ௸ ஆதீனத்துத் தலைவர்களாகிய ஸ்ரீலஸ்ரீ வைத்தியலிங்க தேசிகரவர்கள் உதவியைக்கொண்டு ௸ பிள்ளையவர்கள் மாணாக்கரும் ஸ்ரீமீனாட்சி தமிழ்க்காலேஜ் பிரின்ஸிபாலுமாகிய உ.வே. சாமிநாதையரால் சென்னபட்டினம் கமர்ஷியல் அச்சிற்கூடத்திற் பதிப்பிக்கப்பெற்றது.
இரண்டாம் பதிப்பு, அக்ஷய ௵, ஆனி௴, 1926
விலை ரூ.5-10-0.
copyright reserved
--------------
குளத்தூர்க்கோவை.
கைக்கிளை.
காட்சி .
4611. பொன்பூத்த கஞ்சமு மேந்தெழி னீலமும் பூந்தளவுந்
தென்பூத்த கோங்கமும் பாங்கமர் காந்தளுஞ் சேரக்கொண்டு
மன்பூத்த செந்தமி ழாய் வேத நாயக மால்குளந்தைக்
கொன்பூத்த மால்வரை வாய்விரை வாயொர் கொடி நின்றதே. (1)
ஐயம்.
4612. விண்ணுல கோவிதி நண்ணுல கோதிரு மேவுறுமால்
கண்ணுல கோவர வொண்ணுல கோதண் கடலுடுத்த
மண்ணுல கோபொறைப் பூண்வேத நாயக வள்ளல் வெற்பி
லண்ணுல கோதிவர் பொன்னடி தோய்தவ மாற்றியதே. (2)
துணிவு.
4613. பூவென்ற மேனியிம் மங்கையென் னாமகள் பூமகளே
காவென்ற செங்கைத் தலவேத நாயகக் காளை தன்பாற்
றாவென் றடையலர் போல்வா வெகுழற் றாம் நம்மை
வாவென் றழைப்பன போன்றிமை யாநிற்கும் வாட்கண்களே. (3)
குறிப்பறிதல்.
4614. கயலார்தம் பேட்டுக் கிறவூட்டி யன்னங் களிக்குஞ் செந்நெல்
வயலார் குளந்தை வருவேத நாயக வள்ளல் வெற்பி
லியலா ரிவர்கண் மருளரு ணோக்க மிரண்டு நல்கு
மயலார் விடமு மமிழ்துநல் காழியி னாய்மனமே. (4)
இயற்கைப்புணர்ச்சி
இரந்து பினிற்றற்கெண்ணல்.
4615. விழியே யெவர்க்கு மனவேத நாயக வேள் குளந்தைப்
பொழியேர் வரையிடத் தஞ்சேனெஞ் சேயுட் பொருதுயரங்
கழியே யிரப்பு மொ ரேருடைத் தம்ம கரப்பினவர்
பழியே யெனறெரிந் தாயிரப் பாமிவர் பாங்கருற்றே. (5)
இரந்து பின்னிலைநிற்றல்.
4616. கணிசெய்திண் டோணெடு மால்வேத நாயகக் காமன்வெற்பிற்
பணிசெய் திறத்தமைந் தேன் கொடுங் காமப் பசி தணிய
மணிசெய் குழற்றிரு வன்னீர் நுங் கொவ்வைச்செவ் வாயமிழ்த
மணிசெய்தும் மல்குற் றடமூழ்கி யுண்ண வளித்திடுமே. (6)
முன்னிலையாக்கல்.
4617. தோற்றிய கல்விக் கடல்வேத நாயக துங்கன் வெற்பிற்
போற்றிய வாயத் தொடு சுனை மூழ்கியும் பூக்கள் கொய்துஞ்
சாற்றிய வூச லுகைத்துநன் றாட றணந்தடியே
னாற்றிய மாதவ மோதனி நின்ற தறைகுதிரே, (7)
வண்டோச்சிமருங்கணை தல்.
4618. காரணி கற்பகங் கற்றோர் சிந்தாமணி கல்விக்கட
னாரணி சிந்தைப் புகழ்வேத நாயக நண்பன் வெற்பில்
வாரணி வண்டினங் காண்டு நீங்கவிம் மாதரைம்பாற்
றாரணி யாண்டு மதுவுண் டிருத்த றகாதுமக்கே. (8)
மெய்தொட்டுப்பயிறல்.
4619. பொன்போற் பொலியுங் குணவேத நாயக பூபன்வெற்பி
லென்போற் பெறலரும் பேறுபெற் றார்க ளெவரிவர்கா
மன்போன் மறையிடைப் பட்டாடை நீவி மகிழ்ந்து கண்ணன்
பின்போ லிவர்பதங் கையால் வருடவும் பெற்றனனே. (9)
பொய்பாராட்டல்..
4620. கல்லாது நல்லவர்க் கீயாது வீணிற் கழித்திடுநா
ளில்லாது வாழும் புகழ்வேத நாயக வேந்தல் வெற்பி
லொல்லாது சேடன் படமுங்க ளல்கு லுடனெதிர்த்து
வெல்லாத தாலல வோமண் சுமந்து மெலிகின்றதே. (10)
இடம்பெற்றுத்தழால்,
4621. மின்னிசை போர்த்திய மெய்வேத நாயக வேள்வரைவாய்ப்
பொன்னிசை பாறையு மாதவிப் பந்தரும் பூவுதிர்ந்து
மன்னிசை பாயலு முண்டணங் கேயுள் வருத்தமற
வின்னிசை யோர்மண நாமினி தாற்றற் கிடமிதுவே. (11)
வழிபாடுமறுத்தல்.
4622. எண்ணம் பொலிய விரப்பாரில் யாரு மிரக்கநல்குந்
திண்ணம் பொலியும் புகழ்வேத நாயகச் சேய்வரைப்பாற்
மண்ணம் பொலியு மலர்க்கொடி யேயென் றனுவளையும்
வண்ணம் பொலியு மொருநாண் பொலியும் வகையருளே. (12)
இடையூறுகிளத்தல்.
4623. நங்காம னென்று மடவார் கருத நகுமெழிற்சிங்
கங்காமன் னுங்குளத் தூர்வேத நாயகக் காளைவெற்பில்
வெங்காம வேட்டத் திருமத வேழம் வெளிவரச்செய்
தங்காம ரம்பு மறைப்பது வோவெற்றி யாவதுவே. பாவதுவே. (13)
நீடுநினைந்திரங்கல்.
4624. எய்யாச் சழக்க ரெனுமத வேழத்திற் கேறனைய
கையான் குளந்தை வருவேத நாயகக் காமன்வெற்பி
னையா வுருகிப் பதைபதைத் தாவி நடுங்கிடுவேன்
மெய்யா மிவர்திரு வாயூற லுண்டின்ப மேவலென்றே, (14)
மறுத்தெதிர்கோடல்.
4625. மேன்மே லெழுந்து கொழுந்து கொண் டோங்கழல் வீயவைக்
றான் மேல் விழுந்து தடுப்பது மானுந் தவாதபுகழ்
வான் மேல் வயங்க வளர்வேத நாயக வள்ளல் வெற்பர் கோ
மான்மே லெழாவகை நந்நாண் டடுக்கும் வலிகொள்வதே. (15)
வறிது நகைதோற்றல்.
4626. ஆற்றா மெனவந் தடுத்தாரை வேந்தரு மாய்ந்தடுக்கப்
போற்றா வுயர்த்தும் புகழ்வேத நாயக பூபன்வெற்பின்
மாற்றாத வன்பருறுகாம வாரிக்கொர் வங்கமெனத்
தோற்றா விடையவர் செவ்வாயில் வெண்ணகை தோற்றியதே. (16)
முறுவற்குறிப்புணர்தல்.
4627. தந்தா வளம்பல வாள்வேத நாயகத் தண்ணியன்ற
னந்தா வளவரை வாயிவர் வாண்முக நன்மதியின்
முந்தா நகைவெண்ணிலவாய தென்றன் முகமெனுமோ
ரந்தா மரையை மலர்த்திய தாலிஃ ததிசயமே. (17)
முயங்குதலுறுத்தல்.
4928. புரைதவிர் மங்கள மால்வேத நாயக பூபன்வரைத்
தரையிவர் கொங்கைக் குடம்பற்றி யல்குற் றடங்குடைந்து
விரைகமழ் திப்பியச் செவ்வா யமிர்தும் விரும்பியுண்டா
நரைதிரை மூப்பு மொழிந்தா நமனு நமக்கஞ்சுமே. (18)
புணர்ச்சியின் மகிழ்தல்.
4629. தூயோ ரிணக்க மறாவேத நாயகத் தூயன் வரை
வாயோ ரருமல ரிச்சோலை யோர்தட மற்றதனு
ணீயோர் கொடி னகலல்குல் பூவதி னீடுசுவை
யாயோர் மதுவஃ துண்ணும் வண் டாயினன் யானணங்கே. (19)
புகழ்தல்.
4630, எள்ளி விடலில் புகழ்வேத நாயக வேந்தல்வெற்பிற்
றுள்ளி யெழுமறி நோக்கீர் நுங் கொங்கைக்குத் தோற்றதனை
யுள்ளி யுறுதுயர் பூண்டு விளர்த்த தொருகயிலை
வெள்ளி வரையென் றறியார்சொல் வாரென் விளம்புதுமே. (20)
ஏற்புறவணிதல்.
4631. இம்மா நிலஞ்சொல் புகழ்வேத நாயக வேந்தல் வெற்பில்
விம்மா வெழுமுலை யிம்மா தருக்கு மிளிர்கலங்க
ளம்மா குழன் முதற் பொற்றாண்மட் டுந்தொட் டலங்கரிக்க
வெம்மா தவஞ்செய்த வோவறி யேனென் னிருகைகளே. (21)
வன்புறை
அணிந்துழிநாணிய துணர்ந்து தெளிவித்தல்.
4632, பொன்னே முகிற்கும் புகழ்வேத நாயக பூபனுக்கு
மென்னே யுருவன்றி யீதலிற் பேத மெனக்குமற்றை
நின்னேய மாருயிர்த் தோழிக்கு நீடுருப் பேதமன்றிக்
கொன்னே யணிதொழிற் பேதமுண் டென்கை குறித்தருளே. (22)
பெருநயப்புரைத்தல்.
4633. மெலியீரென் றியார்க்கு மருள்வேத நாயக வேள் குளந்தை
யொலியீர்ம் புனற்றடத் துண்டே யெனைத்தொண் டுவப்பக்கொண்டு
பொலியீ ரரும்பு மரக்காம்ப னாறுமொர் பூவுமென்னுள்
வலியீர்மற் றோர்மல ருங்கொண்டொர் வல்லி வயங்கல்வண்டே. (23)
தெய்வத்திறம் பேசல்.
4634. எறியுங் கலிதன் றலைசாய்த் திடத்தமிழின்னருமை
யறியும் புருட மணிவேத நாயக வண்ணல்வெற்பிற்
செறியும் படிநம் மிருபேரையுமின்று சேர்த்ததெய்வ
முழியும் படியிடை யேசெய்யு மோசற்று முன்னலையே. (24)
பிரியேனென்றல் .
4635, கோனாடன் மேழிக் கொடியாளன் மாலைக் குவளையினான்
வானாட னேரும் புகழ்வேத நாயக வள்ளல் வெற்பிற்
றேனாடு பூங்குழ லாய்வான் பிரியினுஞ் செங்கதிர்யா
னூனா டுயிர்நிகர் நிற்பிரி யேனென்று முண்மையிதே. (25 )
பிரிந்துவருகென் றல்.
4636. பெருவேத நாயக மால்பா வடுத்தொன்று பெற்றவர்பாற்
றருவேசிந் தாமணி யேயென் றடைபவர் தம்விரைவும்
பொருவேயன் றென்னவிந் நின்றகன் றியானிப் பொழிலகத் தே
வருவேன்வந் தும்மடி கூடுவ னீடுவன் மையிலனே. (26)
இடமணித்தென்றல்.
4637. பொன்னோ புகழயி ராணிகொ லோவெனும் பொற்பணங்கே
யென்னோ திருவுளத் தெண்ணநும் மூர்க்குமெம் மூர்க்குமென்று
மின்னோ டுலவு புயல்வேத நாயக வேள்பொருட்கு
மன்னோ வறியர்க்கு மெத்தனை தூரமற் றத்தனையே. (27)
தெளிவு.
4638. திகழ் வேலை பொங்கி யெழவோங்கன் முற்றுஞ் சினந்துவன்கா
லகழ்வே ரொடுபறித் தெங்கணும் வீசிடு மன்றுமென்று
மிகழ்வேயில் லாததம் வார்த்தைபொய் யார்வஞ்ச மேதுஞ்செய்யார்
புகழ்வேத நாயக மால்குளத் தூர்வரைப் புண்ணியரே. (28)
பிரிவு ழிமகிழ்ச்சி .
செல்லுங்கிழத்திசெலவுகண்டுளத்தொடு சொல்லல்.
4639. வண்டேய் குவளைத் தொடைவேத நாயக வள்ளல் வெற் பிற்,
றண்டே மலர்க்குழல் சோர்தரக் கொங்கைத் தனிப்பொறை யால்,
விண்டே மருங்குறள் ளாடநன் னோக்க நம் மேலமையாக் ,
கொண்டே யியங்குதல் பார்நெஞ்ச மேநங் குலதெய்வமே. (29)
பாகனொடு சொல்லல்.
4640. கனம் போல நல்குகை யான் வேத நாயகக் காளை வெற்பின்
மனம் போல நோக்கமென் பாலுற யானிறு மாப்பெழுந்த
தனம்போ லடையவென் கையால் வருடிய தாள்கள் பெயர்த்
தனம்போ னடப்பது பார்வல வாவென தாருயிரே. (30)
பிரிவுழிக்கலங்கல்.
ஆயவெள்ளம் வழிபடக்கண்டி துமாயமோவென்றல்.
4641. தூணே பொருதிர டோள் வேத நாயக துங்கன் வெற்பி
னாணே யுரைப்பதிம் மாண்புடை யார்க்கு நமக்கு நனி
சேணே யிவர்முலை சேர்ந்தன மோவன்றிச் சேர்ந்தது போல்
வீணே கனவொன்று கண்டன மோவென் விளைந்ததுவே. (31)
வாயில் பெற்றுய்தல்.
4642. பாமாலை சூடும் புகழ் வேத நாயகப் பண்பன்வெற்பி
னாமாலை மாய்க்கு மருந்துணர்ந் தாம்விரை நாவிகமழ்
பூமாலை யோதி யிவர்விழி மான்சென்று புக்குலவு
மாமாலை யாவொரு மின்னார் வதன மதியகத்தே. (32)
பண்புபாராட்டல்.
4643. நனியா வருஞ்சொல் புகழ்வேத நாயக நம்பிவெற்பி
லினியா முவமை தெரிதலிற் குற்ற மிலதறிதுட்
கனியா விணையுறுப் பிற்கிணை மாறிக் கழறிமற்றைத்
தனியா முறுப்பிற் கதுவே யிணையெனச் சாற்றுதுமே, (33)
பயந்தோர்ப்பழிச்சல்.
4644. அண்டாரை வாட்டி யடுத்தாரை நாட்டிநன் காதரிக்கும்
வண்டாரை வேய்புய மால்வேத நாயக மன்னன் வெற்பி
லெண்டாரை மாறினு மாறாத் திருவுற் றெனையடிமை
கொண்டாரை யீன்றவர் வாழிய ரோவிக் குவலயத்தே. (34)
கண்படைபெறாதுகங்குனோதல்.
4645. பொருட்கடல் கல்விக் கடல் பொறு மைக்கடல் பொற்புக்கட
றெருட்கட லாய புகழ்வேத நாயகச் செல்வன் வெற்பி
லருட்கட லாயெனை யாண்டாரை நீங்கி யஞர்க்கடலோ
டிருட்கடன் மூழ்கின னின்பக் சடலையென் றெய்துவனே. (35)
இடந்தலைப்பாடு.
தந்தெய்வந்தருமெனச்சேறல்.
4646. திருவேத நாயக மால்குளத் தூரன்ன சின்மொழியைப்,
பொருவேயின் மாட்சியின் முன்றந்த தெய்வமிப் போதுந்தருந் ,
தரு வே யெனவிருப் பிற்கொடுப் பார்க்கொர் தடையுமுண்டோ ,
மருவே யுமன்ன பொழிலிடைச் சேறும் வருதிநெஞ்சே (36)
முந்துறக்காண்டல்.
4647. எண்ணே யிலாத புகழ்வேத நாயக வேந்தல் வெற்பின்
மண்ணே புரிந்தது மாதவ மென்ன மலரடிவைத்
துண்ணேய மோங்க வுவமை யிலாத வுறுப்போடுமோர்
பெண்ணே யெனநின்ற தான் முன்பு யாஞ்செய் பெருந்தவமே. (37)
முயங்கல்.
4648. கைப்பட்ட வின்சொற் புயல் வேத நாயகக் காளைவெற்பீ
கைப்பட்ட வாணுத லாரிவர் பேரருள் கண்ட்டுத்தோ
கைப்பட்ட வாவு கருவூலஞ் சாரக் கனதனமுங்
கைப்பட்ட தாலினிச் சிந்தா மணியுநங் கைப்படுமே. (38)
புகழ்தல்.
4649. செல்லார் பொழிற்றென் குளத்தூ ரதிபன் றிருந்திய நூல்,
வல்லா ருரைக்கும் புகழ்வேத நாயகன் மால்வரைவாய்,
நல்லா ருறுப்புட் சிலவமு துண்டென்பர் நானுருவ,
மெல்லா மிவர்க்கமு தென்பேன் மழுவுங்கை யேந்துவனே. (39)
ஆயத்துய்த்தல்.
4650. நினக்கே பரமெமைக் காப்பதென் பார்க்கு நிலைமை நல்கி
மனக்கேத மாற்றுந் திறல் வேத நாயகன் மால்வரையா
னுனக்கே யடிமை பலசொல்வ தால்வரு மூதியமென்
புனக்கேழ் மயிலனை யாய்நின தாயம் புகுந்தருளே. (40)
பாங்கற்கூட்டம்.
தலைவன்பாங்கனைச் சார்தல்.
4651. கொடுப்பார் பலர்க்குங் குருவாயி னோன் கொக்கின் கொம்பரன்றி
வடுப்பா ரொழிய வளர்வேத நாயக வள்ளலைச் சார்ந்
தடுப்பா ரலாரின் வருந்தேலம் மாதை யடுப்பநம்மைத்
தடுப்பா ரெவர்மன னேயுயிர்ப் பாங்கனைச் சார்தரினே. (41)
பாங்கன் தலைவனை உற்ற துவினாதல்.
4652. விற்போர் புரிந்தனை யோதெவ்வ ரோடு விடாதெடுத்துச்
சொற்போர் புரிந்தனை யோதர்க்க ரோடு விண் டொட்டு நிற்க
நெற்போர் புரிகுளத் தூர்வேத நாயக நேயன் வெற்பின்
மற்போர் புரிநின் புயம்வாடற் கேதுவென் மன்னவனே. (42)
தலைவன் உற்ற துறைத்தல்.
4653. மடவார்கணன்றி வலியா ரிடத்துண்டு வண்டமிழ்க்குக்
கடவா ரணந்தரு மால்வேத நாயகக் காளை வெற்பி
லிடவா ருறுமென் கலைமா மதியையொ ரேழையல்குல்
விடவா ராவம் விழுங்கிய தானண்பின் மிக்கவனே. (43)
கற்றறி பாங்கன்கழறல்.
4654. சொற்றது நாட்டுந் துரைவேத நாயக துங்கன் வெற்பி
லுற்றது சொற்றதென் காதூ டழல் புக் குலாவலொத்த
திற்றது வென்னிடைக் கிவ்வாறு வாடுவை யேற்கலைகள்
கற்றதுங் கேட்டது நன்று நன்றாலெங்கள் காவலனே. (44)
கிழவோன் கழற்றெதிர்மறுத்தல்.
4655. கோணாமை நின்ற குணவேத நாயகக் கொண்டல்வெற்பி
னாணாமை யும்பினுனக்குள தோமதி நன்முகமு
மாணாமை யோவிளங் கொங்கையுஞ் செங்கையு மற்றவையுங்
காணாமை யானண்ப னேகரைந் தாயிக் கடுமொழியே. (45)
கிழவோற்பழித்தல்.
4656. புதையாம் னல்கு பொருள்வேத நாயக பூபன்வெற்பிற்
பதையாம் னின்றொரு பேதை மருட்டவுட் பட்டறிவிற்
றதையாம லிவ்வண்ணம் வாடுவை யேலைய தன்வயிற்றுட்
சிதையாமல் வைக்கும் பிரமாண்ட முற்றுமொர் சிற்றெறும்பே. (46)
கிழவோன் வேட்கைதாங்கற்கருமை சாற்றல்.
4657. போது செய் மாலைப் புயன் வேத நாயக பூபன்வெற்பிற்
றீது செய் கூற்றம் வரினுமஞ் சேனொரு சேயரிக்கண்
மாது செய் நோய்க்கினி யாது செய் வேனுய் மருந்தின்றன்னா
ளோது செய் யாம்பலு மொவ்வாச்செவ் வாயமு தொன் றன்றியே. (47)
பாங்கன் தன்மானத்தழுங்கல்.
4558. கரும்பே மொழியஞ் சுரும்பே விழிபொழிற் காமருகோங்
கரும்பே முலையென்று பல்காற் சொலுமிவ னான்றமதி
யிரும் பேயவ் வேந்திழை காந்தங்கொ லோவிதற் கென்செய்தும் யாம்
வரும்பே ரறிஞர் புகழ்வேத நாயக மால்வரைக்கே. (48)
தலைவனோடழுங்கல்.
4659. விடன் மேன் மனமில் புகழ் வேத நாயக வேள்வரைப்பான்
மடன்மே லொளிர்குழலாள் பொருட் டென்சொன்மன்
னாநின் செவிக் கடன்மே லெழுவடி வேலாயிற் றாலினி யாது செய்கேன்
கடன் மேல் வரினதற் கியாரான் முடியுங் கரைசெயவே. (49)
எவ்விடத்து எவ்வியற்றென்றல் .
4660. மண்காக்குஞ் செல்வப் புயல் வேத நாயக மால்குளத்தூர்
விண்காக்கு மால்வரை யோதிரை யோவுரை மேவுமிடங்
கண்காக்கும் பேரியல் யாதண்ண லே வெற்றி காக்குமொரு
பெண்காக்குந் தோணினை யிவ்வாறு வாட்டிய பெய்வளைக்கே. (50)
அவன் அஃது இவ்விடத்து இவ்வியற்றென்றல்.
4661. என்னுயிர் மேவிட மால்வேத நாயக வேந்தல் வெற்பே
மன்னுயிர் போற்றவன் றோண்மலர் கண்ண வனைப் பகைத்துத்
துன்னுயிர் போன் மெலி யும்மிடை வற்றவற் சூழ்ந்து நட்ட
கொன்னுயிர் போலிறு மாக்கு நண் பாவிளங் கொங்கைகளே. (51)
பாங்கன் இறைவனைத்தேற்றல்.
4662. வழியென்று பேரறங் கொள்வேத நாயக மால்வரைவாய்
விழியென்று வேல் கொண்ட மின்னினை யான் கண்டு மீளுமட்டுங்
கழியென் றுயரிங் கிருவைய கான்மகற் காணுமட்டு
மிழியென்று மோவு துணிபுற் றிருந்த விராமனொத்தே. (52)
பாங்கன் குறிவழிச்சேறல்.
4663. கனியாடு பூம்பொழில் சூழ்குளத் தூரண்ணல் கல்விக்கண்ணே
நனியாடு நுண்மதி மால்வேத நாயக நம்பிவெற்பிற்
பினியாடு மோதன் பெருகாயத் தோடு பிரிந்து நின்று
தனியாடு மோவறி யேனிறை கூறிய தார்க்குழலே. (53)
இறைவியைக்காண்டல் .
4664. தீதே யிலாத புகழ்வேத நாயகச் செம்மல் வெற்பிற்
சூதே முலைசிலை யேநுதல் செய்ய துவர்க்கமலப்
போதே முகமரும் பேநகை செங்கைப் புயலுரைத்த
மாதே யிவளிது வேயிட மாலைய மற்றில்லையே. (54)
இகழ்ந்ததற்கிரங்கல்.
4665. செறியாமை யிற்குளத் தூர்வேத நாயகச் செம்மல் வெற்பின்
மறியாமை நோக்கி யியலிது வேற்புய வாட்டமொரீஇக்
குறியாமை கொண்டு வருந்தா திருக்கவுங் கூடுங்கொல்லோ
வறியாமை யாலிகழ்ந் தேன்புகழ்ந் தேனல னண்ணலையே. (55)
தலைவனைவியத்தல்.
4666. பொறையாற் புவிவென்ற மால்வேத நாயக பூபன்வெற்பி
னிறையாற் குறைவி னறையார் குழலி நெடுங்கணெனுங்
கறையாற் பொலியயி லேறுண்டு நெஞ்சங் கலங்கலின்றித்
திறையாற் பொலியுநம் மண்ணல்வந் தான் மிகத் திண்ணியனே. (56)
தலைவியைவியத்தல்.
4667. மேகத்தை யேநிகர் கைவேத நாயக வேள்வரைக்கைந் மான்
நாகத்தை யேபொரு மாமுலை தாங்கிவர் நன்மனுநூ
லேகத்தை யேகொண்டிம் மண்முழு தாண்டரு ளெம்பெரு
சோகத்தை யே துணிப் பார்பிணிப் பாரலர் தோற்றத்தினே. (57)
தலைவன் றனக்கு தலைவிநிலைகூறல்.
4668. கடியொன்று மிற்குளத் தூர்வேத நாயகக் காளைவெற்பிற்
படியொன்று மாமுகி லொன்றனை நாடிப் பரிந்துமல
ரடியொன்று மாற்றி நிலத்தூன்றி யெங்கு மவிரமின்னுக்
கொடியொன்று நின்றது கண்டுவந்தேன்புகழ்க் கொற்றவனே. (58)
தலைவன் சேறல்.
4669. வளர்வேத நாயகன் மால்வரைப் பாற்பொறி வண்டுகிண்டி
யுளர்வே யலங்கற் குழல்சுவ றோய வொளிர்குழைகள்
கிளர்வேய் பொருவு திரடோள் வருடக் கிளர்ந்தென்மனத்
தளர்வே யொழிய வெதிர்நிற்கு மோவென் றனியுயிரே. (59)
தலைவியைக்காண்டல்.
4670. உருவுடைத் தன்றுயி ரென்பது பொய்ம்மைபல் லோரு மவார்,
திருவுடைத் தண்ணளி மால்வேத நாயகச் செம்மல்வெற்பிற்.
பொருவுடைத் தொண்கணுஞ் செவ்வாயு மேந்தெழிற் பூண்முலையு ,
மருவுடைத் தண்குழ லும் மற்றும் வாய்ந்ததென் மன்னுயிரே (60)
கலவியின்மகிழ்தல்.
4671. பொன்மலை யுஞ்செம் மணிமா மலையும் புணர்ந்ததென்கோ
வென்மலை வின்றென் சுவைப்பாலுந் தேனு மிணைந்ததென் கோ
நென்மலை வாய்குளத் தூர்வேத நாயக நேயன் வெற்பிற்
கன்மலை தோண்முலை யானுமிம் மாதுங் கலந்ததுவே. (61)
புகழ்தல்.
4672. புரவலர் கண்மணி மால்வேத நாயக பூபன்வெற்பிற்
பரவல ராம்பனுஞ் செவ்வா யழகுட் படர்ந்து கவர்
தரவலர் நீங்குமென் றோர்ந்திரந் தேயமர் தன்மைகண்டே
யிரவல ரென்று புகல்வார் புலவ ரெடுத்தின்னுமே. (62)
பாங்கியொடுவருகெனப்பகர்தல்.
4673. மைப்போ ரகனெடுங் கண்மட வாய்கவி வாணர்செம்பொன்
வைப்பே யனைய தமிழ்வேத நாயகன் மால்வரைவாய்க்
கைப்போ யிலாதநின் மெய்ந்நிழ லென்னவிக் காவகத்தென்
னெய்ப்பே யொழிய வினிப்பாங்கி யோடு மெழுந்தருளே. (63)
பாங்கிற்கூட்டல்.
4674. தளிர்புரை செங்கைத் தலவேத நாயகத் தண்ணியன்றன்
குளிர்மலி சோலை யெனும் பொற் றகட்டி குளையரெனு
மொளிர்மணி சூழப் பொலிவன வான்மற் றுவைநடுநீ
மிளிர்தரு நாயக மாமணி யாயின்று மேவுகவே. (64)
பாங்கிமதியுடன்பாடு.
தோற்றத்தாலாராய்தல்.
4675. போதுசெய் மாலைப் புயன்வேத நாயக பூபன்வெற்பிற்
காதுசெய் வேல்விழி யெம்பெரு மாட்டி கவின் செயெழின்
மீது செய் போது கொய் தோசுனை வாய்விருப்பிற்குடைந்தோ
யாது செய் தோவறி யேன்றிரு மேனி யலசியதே. (65)
ஒழுக்கத்தாலையந்தீர்தல்.
4676. கனைப்போ வரும்வண் டுளர்குழ லாய்விண் கலந்த பிறை
நினைப்போ வருநற் குணமே நிரம்பி நிலாவுதலி
ன்னைப்போது மாலைப் புயன் வேத நாயக நம்பி புகழ்
தனைப்போல் விளங்கலி னின்னாற் றொழப்படுந் தன்மையதே. (66)
சுனை நயப்புரைத்தல்.
4677. எண்ணுங் குணம் பெரி யோன் வேத நாயக வேந்தல் வெற்பிற்
கண்ணுங் கதிர்முலை யாய்செங் கமலக் கருங்குவளை
யண்ணுஞ் செழுஞ்செங் குவளை செவ் வாம்பல் வெள் ளாம்பலெனப்
பண்ணுந் திறலுடை வான்சுனை யாது பகர்ந்தருளே. (67)
சுனை வியந்துரைத்தல்.
4678. வண்டா ரணிபுயன் மால்வேத நாயக மன்னன் வெற்பிற்
கண்டார் மொழியாய் முலைக்கு நற் சாந்துங் கருங்குழற்கு
வண்டாரு மெய்க்குப் பசலையு மின்று வழங்குவதேற்
கொண்டார் வளச்சுனை வாயடி யேனுங் குடைகுவனே. (68)
தகையணங்குறுத்தல்.
4679. வேளாண் மரபுக் கணிவேத நாயக வேள்வரைப்பாற்
கனா னனிச்சம்வெல் வான் மக ளேயிவண் சற்றிருவேய்த்
தோளான் மருள்வயிற் றெங்கோ மகளிச் சுனையகம்புக்
காளான் மகிழவின் னேவரு வாளொத்தி ராடுவிரே. (69)
நடுங்க நாட்டம்.
4680. நாட்டுக்கு நல்லன் பதினாயிரம்பொ னவிலுமொரு
பாட்டுக்கு நல்கும் புகழ்வேத நாயகப் பண்பன்வெற்பின்
மாட்டுக் கலங்கினன் கண்டுடல் கீள வலியொரு செங்
கோட்டுக் களிற்றெதிர் வேலெறிந் தானொரு கொற்றவனே. (70)
பெட்டவாயில்பெற்றிரவுவலியுறுத்தல்.
4681. மறச்சார்பு நீத்த புகழ்வேத நாயக வள்ளல்வரைப்
புறச்சார்பு பற்றிப் பொருளடை வாரிற் புகலரும்பே
ரறச்சார்பு பற்றிக் கதியடை வாரினிவ் வாயிழைதன்
றிறச்சார்பு பற்றி யடைவாமின் றேயத் திருவினையே. (71)
ஊர்வினாதல்.
4682. யானோ புதியன் மதியன்ன வாணுத லின் சொனல்லீர்
வானோ வெனவயங் கும்மூ ரெதுமது வார்கழைவிற்
கோனோ புவி புரப் பானோ வெனவளர் கொண்டல்வண்டர்
மேனோ வறவமர் தார்வேத நாயக வேள்வரைக்கே. (72)
பெயர்வினாதல்.
4683. தருமந் திரமெனக் கொள்வேத நாயகத் தண்ணியன்கார்
பொருமந் திரம்பல சூழ்குளத் தூரன்ன பொற்றொடியீர்
தெருமந் திரந்து முரையீர் நும் மூரினிச் செப்பரிய
பெருமந் திரமெனி னும்முரைப் பீர் நும் பெயரினையே. (73)
கெடுதிவினாதல்.
4684. என்றோ வெனவொளிர் மால்வேத நாயக வேந்தல் வெற்பிற்
கன்றோ வருங்கைநல் லீர் நும் புனத்துக் கடுகியென்கை
வன்றோய் கணைப்பட்ட புண்பட்ட வொண்பட்ட வாணுதற்கைக்
குன்றோ வெனவந்த தோவிரு கோட்டொரு குஞ்சரமே. (74)
ஒழிந்தது வினாதல்.
4685. பொழியா மழையன் றெனும் வேத நாயக பூபன்வெற்பிற்
கழியாது நும்புன முற்றேனுக் கொன்று கடைக்கணித்து
மொழியா விதமென் மொழிந்தாற் பழிவந்து மூளுங்கொலோ
வொழியா திடங்கொண் டெழுமுழுப் பூண்முலை யுற்றவரே. (75)
யாரேயிவர்மனத்தெண்ணம் யாதெனத்தேர்தல்.
4686. சீரே புனையுந் திறல் வேத நாயகச் செம்மல்வெற்பிற்
பாரே றிய நுண் மதியர் புதியர் பதியர்சிலை
போரே விலர்மத யானையெய்தோமென்றும் பொய்யுரைப்பா
ராரே யிவர்மனத் தெண்ணமற் றியாதென் றறிகிலமே. (76)
எண்ணந்தெளிதல்.
4687. தேராசை யும்புவி யும்பெரு வானுஞ் செறிந்தும் புகழ்ப்
பேராசை யேகொண் டவன்வேத நாயகப் பேகன் வெற்பி
லூராசை மற்றுமற் றோராசை யாயுற லாலிவருட்
கூராசை நம்மட வாராசை யாய்க்குடி கொண்டதுவே. (77)
இருவருமுள்வழி ஒருமையிற் போதல்.
4688. தாவா வலியின் முன் யாஞ் செய் தவமுந் தவப்பயனுங்
கோவா வொருங்கிருந் தாலெனப் பாங்கியுங் கோமகளு
மேவா விருந்தனர் போய்ச் சொல்லு வாம்வெல்லு வாமயனோய்
மாவாழ் குளந்தை வருவேத நாயக மால்வரைக்கே. (78)
மான்வினாதல்.
4689. திருமான் மகிழ்குளத் தூர்வேத நாயகச் செம்மல் வெற்பி
லிருமான் மதியிற் பொலிவா ணயனத் தெழின் முகத்தீர்
வருமானந் தன்னுயிர்க் கேகொண்டு தைத்தவென் வாளியுங் கொண்
டொருமானிங் கேவந்த துண்டோவுண் டாயி னுரைமின்களே. (79)
மனம் வினாதல்.
4690. கனத்திடை மின்ன லெனவிளங் காவிற் கலந்து நிற்பீர்
சினத்திடை யென்றுஞ் செலாவென் மனஞ்செயிர் தீர்புலவர்
மனத்திடை வாழும் புயல் வேத நாயக மால்வரை நும்
புனத்திடை யேவந்த தோநொந்த தாகிப் புகலுமினே. (80)
பாங்கி எதிர்மொழி கொடுத்தல்.
4691. படுமாந்தும் வண்டுகள் காம்போதி காமரம் பாடிடமேம்
படுமாம் பொழிற்குளத் தூர்வேத நாயகப் பண்பனுக்குட்
படுமாந்தர் வெங்கலி காணாமை போற்சக பால்வண்டு
படுமாம் பலையிக் குறிஞ்சியி லேயென்றும் பார்த்திலமே. (81)
இறைவனை நகுதல்.
4692. இழை கொண் டொளிர்நிற மால்வேத நாயக வேந்தல் வெற்பிற்
கழை கொண்டு செய்சிலை கைக்கொண்டு சித்தசர் காமருழை
குழை கொண்டு தோன்று மலர்கொண்டெய் வாரிந்தக் கொற்றவருந்
தழை கொண்டு காம ருழையெய்வர் வில்லின்றிச் சான்றவரே. (82)
பாங்கிமதியினின் அவரவர்மனக்கருத்துணர்தல்.
4693. பழியே யிலாத புகழ்வேத நாயகப் பண்பன்வெற்பிற்
கழியே ரிவர்புனங் காத்தல் பொய் யென்று கரையுமிவர்
விழியே யவர் வந்த வேட்டை பொய் யென்று விளம்புமவர்
மொழியே யிருவர்க்கு முள்ளீடொன் றேயென்று முன்னுதுமே. (83)
தலைவன் உட்கோள் சாற்றல்.
4694. விண்மணி நேரும் விளக்கமிக் கோன்றமிழ் மெய்ப்புலவர்
கண்மணி யாய புகழ்வேத நாயகக் காளைவரை
யுண்மணி யோபல் படத்தர வேந்து மொளிமணியோ
தண்மணி யாயசிந் தாமணி, யோநசை சாற்றுமினே. (84)
பாங்கியிற்கூட்டம்.
பாங்கி குலமுறைகிளத்தல்.
4695. தரைவா யெழுகற் பகம் வேத நாயகத் தண்ணியன்றன்
வரைவாய் மடங்கல் சிறுதேரை யூணும வாவுங்கொல்லோ
புரைவாய் களிற்றண்ண லேயுயர் வான்குலப் புண்ணியர் புல்
லுரைவாய் குறவர் குலக்கொம்பை வேட்ட லுரிமையன்றே. (85)
தலைவன் தலைவிதன்னையுயர்த்தல்.
4696. நம்பே ரிருநிதி மால்வேத நாயக நம்பிவரைக்
கொம்போயிவர்திரைக் கொம்பேயல் லாற்றரைக் கொம்பென் பது
வம்பேயவ் வாறிருந் தாலும் பரிதி மதியிருஞ்சேற்
றம்பேர் மலரை யவாவுத லான் வரு மாசென்னையே. (86)
பாங்கி அறியாள் போன்று வினாதல்.
4697. விந்தனக் காமெனுந் தோள் வேத நாயக வேள்வரைவாய்ச்
சந்தனக் காவில்விண் மீன்போற் பரந்து தவாவண்டலா
டந்தனக் காரிகை மார்பல ரைய வவருளுன்ம
னந்தனக் காக்கவர்ந் தாளிவ ளென்று நவிலுதியே, (87)
இறையோன் இறைவி தன்மையியம்பல்.
4698 மஞ்சே குழலுழனஞ்சே விழிமொழி வானமுதே
பஞ்சே பதமத வஞ்சே விமின் முலை பார்க்கணியாய்
விஞ்சேர் மலிகுளத் தூர்வேத நாயக வேள்வரையென்
னெஞ்சே யிடையணங் கேயென்னை வாட்டிய நேரிழைக்கே. (88)
பாங்கி தலைவியருமைசாற்றல்.
4699. வாமான் றமிழ்க்குத வும் வேத நாயக மால்வரையெங்
கோமான் புதல்வி யெளியன் கொல் லோ நலங் கூர்மிதிலைப்
பூமான் றிருமக ளாகிய சீதையைப் பூதலம்வா
ழேமான் விழிமட வாரு ளொருத்தியென் பாரெவரே. (89)
தலைவன் இன்றியமையாமையியம்பல்.
4700. குருவிருந் தாலுண்டு வான்கதி யிம்மை கொளாதவர்க்குத்
தருவிருந் தாலுண்டு பல்போக முந்ததை வானவர்க்கு
மருவிருந் தாரணி தோள் வேத நாயக மால்வரை நுந்
திருவிருந் தாலுண் டெளியேற்கெஞ் ஞான்றும்பல் செல்வமு மே. (90)
பாங்கி நின்குறை நீயே சென்றுரையென்றல்.
4701. நன்று வதிமனத் தான் வேத நாயக நம்பிவெற்பிற்
கன்று வதிகை யுயிர் நீமெய் யேற்கரை நின்குறை நீ
வென்று வதிவடி வேலண்ண லேயுடன் மேலுயிர்வந்
தொன்று வதியல் பெனுஞ்சூத் திரமு முணர்ந்துளையே. (91)
பாங்கியைத் தலைவன் பழித்தல்.
4702. பொன்னாலமைமணிப் பூண்வேத நாயக பூபன்வெற்பி
னின்னான் முடியுமிக் காரிய மென்று நினைந்துளத்துன்
பின்னா லுழன்று திரிந்தன னீயின்ன பெட்பின் மொழி
சொன்னாலினியுனைச் சொல்வதென் னேயென் சுடுவினையே (92)
பாங்கி பேதைமையூட்டல்.
4703. திக்கே றிய புகழ் மால்வேத நாயகச் செம்மல் வெற்பி
லிக்கே றியமொழி யோவியப் பூசைகண் டேய்ந்த கட்சி
புக்கே றியகிளி பொத்துவள் பேதைமை பூண்டவளுண்
மிக்கே றியனின் றுயரறி வாள் கொல்செவ் வேலவனே. (93)
தலைவன் தலைவி மூதறிவுடைமைமொழிதல்,
4704. பொன்னைப் பொருமட வாயெனை நோக்குகட் பூவழியே
யென்னைக் கவர்ந்து தன் பால் வைத்துத் தேம்பிடு மென்மனத்தே
தன்னைப் பொருந்தவைத் தாள் பேதை யென்பது தக்கதுவோ
மின்னைப் பொருமணிப் பூண்வேத நாயக வேள்வரைக்கே. (94)
பாங்கி முன்னுறுபுணர்ச்சி முறையுறக்கூறல்.
4705. ஒன்றாற்றி முன்றெளிந் தார்பின்னு மாற்றற் கொரு துணைதே
தின்றாற்ற வேண்டு மெமக்கிதென் னாரெளி யேனுமக்கு ர்ந்
நன்றாற்றுங் காரிய மென்வேத நாயக நம்பிசெம்பொன்
மென்றாற் றிளங்கமு கங்குளத் தூர்வரை வித்தகரே. (95)
தன்னிலைதலைவன் சாற்றல்.
4706. எள்ளாத பேரெழி லேந்திழை யேநின் னிலங்கிறைவி
விள்ளாத பேரருண் மேவாத போதென்றும் வெய்ய வழி
நள்ளாத நுண்மதி மால்வேத நாயக நம்பி நட்புக்
கொள்ளாத பாவியி னென்னாவி தேம்பிக் குலைந்திடுமே. (96)
பாங்கியுலகியலுரைத்தல்.
4707. நல்லா ருரைக்கும் புகழ் வேத நாயக நம்பி வெற்பின்
மல்லார் புயத்தண்ண லேயிடை யூறு மடங்கவெங்கள்
வில்லார் நுதலியை வேட்டனை யேற்றமர் வேட்டுவப்பப்
பல்லா ரறிய வரைந்தெய்து வாய்மணப் பந்தரிலே. (97)
தலைவன் மறுத்தல்.
4708. நந்தாத நீர்நசை யால்வாடு வாற்கொரு நண்பனன்னீர் (குங்
செந்தா மரைத்தடந் தொட்டுண்டு தீரெனுஞ் சீர்மையொக்
கொந்தார் குழலியை வேட்டஞர் தீரெனக் கூறியது
மந்தார தாரு நிகர்வேத நாயக மால்வரைக்கே. (98)
பாங்கியஞ்சியச்சுறுத்தல் .
4709. வில்லார் மணிப்பணி மால்வேத நாயக வேள்வரைவா
யல்லார் நிறத்தெமர் பொல்லா ரருளுமற் றச்சமுமுள்
ளில்லார் கொடுஞ்சிலை வல்லாரிங் கெய்துவ ரெய்தினுனை
மல்லார் புயத்தைய வெய்வார்செய் வாருண் மதிப்பரிதே. (99)
தலைவன்கையுறை புகழ்தல்.
4710. நந்தா மணிப்பணி மால்வேத நாயக நம்பி வெற்பென்
னந்தா மணிமக வான்காம் தேனுவை யாத்தரிய
சிந்தா மணியுந் தரினுங் கொடேனிச் செழுமணிநும்
பந்தா மணிமுலை தாங்கினஃதியான் செய்த பாக்கியமே. (100)
பாங்கி கையுறை மறுத்தல்.
4711. மந்தார தாரு நிகர்வேத நாயக மால்வரையெஞ்
செந்தார்ப் பசுங்கிளி மாமுலை மேனுஞ் செழுமணித்தார்
கந்தார் களிற்றெமர் காணிற்கண் சேந்து கறுத்திதின்று
தந்தா ரெவரெனின் யாங்களென் னோசொலத் தக்கதுவே. (101)
ஆற்றாநெஞ்சினோடவன்புலத்தல் .
4712. பாடத் தவஞ்செய் தவர்கடை வாயிலைப் பற்பலரு
நாடத் தவஞ்செய் தவன் வேத நாயக நம்பிவெற்பிற்
கூடத் தவஞ்செய் திலமட வாரைக் குழையுநம் போல்
வாடத் தவஞ்செய்த தாலென்செய் வாமிந்த வல்வினைக்கே. (102)
பாங்கி தலைவனை ஆற்றுவித்தகற்றல்.
4713. சோலையி லேகுயில் கூங்குளத் தூரன் றுதிசெய்தமிழ்
வேலையி லேதுளை வோன் வேத நாயக வேள்வரைவாய்க்
கோலையி லேர்விழி யாட்குரைப் பேனின் குறைவருதி
காலையி லேநின்கை மாலையு மேற்பல் களிற்றண்ணலே. (103)
இரந்து குறைபெறாது வருந்திய கிழவோன் மடலே பொருளென மதித்தல்.
4714. வாய்க்கு மருந்து னிசையென நாடிவந் தார்கலி நோய்
தேய்க்கு மருந்து புகழ்வேத நாயகச் சேய்பனி நோய்
சாய்க்கு மருந்து திவாகர னேயுட் டவாமயனோய்
மாய்க்கு மருந்து நெஞ் சேமட லேயன்றி மற்றிலையே. (104)
பாங்கிக்கு உலகின் மேல் வைத்துரைத்தல்.
4715. சேலேறு செய்க்குளத் தூர்வேத நாயகச் செம்மல்வெற்பி
னூலே றியல்பிற் கிழியேறுகையி னுவலருந்தீம்
பாலேறு மென்மொழி யார்விழி யேறுபட் டேறுநெடு
மாலேறி னார்மடன் மேலேறு வார்மதி வாணுதலே. (105)
அதனைத் தன் மேல் வைத்துச்சாற்றல்.
4716. பூவேறி வண்டு பண் சாதாரி பாடும் பொழிற்குளந்தைக்
கோவேறி யம்புறு சீர்வேத நாயகக் கோன்வரைப்பாற்
றவேறி கைவிழிக் காவென் பெருக்கணி சூடி மடன்
மாவேறி நாளை நின் னூர்வீதி வாய்வரு வாமயிலே. (106)
பாங்கி தலைமகள் அவயவத்தருமை சாற்றல்.
4717. அடையு மவர்க்குநன் மால்வேத நாயக வண்ணல்வெற்பிற்
றொடையுஞ் சுரும்புஞ் செறியுமைம் பான் முதற் றோன்றுறுப்பு
மிடையு மவையவ மாகா தெழுதியென் மின்னனையா
ரிடையு நடையு மெழுதுவை யேன்மட லேறுவையே. (107)
தலைமகன் தன்னைத்தானே புகழ்தல்.
4718. பொருந்த வுலகர் வழக்கோர்ந்து மெய்யிது பொய்யிதென்று
திருந்த வெழுதுந் திறல் வேத நாயகச் செம்மலொப்பக்
கருந்தடங் கண்குழன் மாமுலை யல்குல் செங் கைம் முதன்மெய்
யிருந்தவ மாத ரிடையொன்றும் பொய்யென் றெழுதுவனே. (108)
பாங்கியருளியல்கிளத்தல்.
4719. சேலம்பு வென்றகண் ணார்நட மாடல்செய் சீர்க்குளத்தூர்
மாலம் புயக்கு வளை வேத நாயக வள்ளல் வெற்பி
லேலம் புனை குழ லாள் பொருட் டாக விறைவநெடுந்
தாலம் புரப்பவர் தாலஞ் சிதைத்த றகாதென்றுமே. (109)
பாங்கி கொண்டுநிலை கூறல்,
4720. நம்பனை யாய வருள்வேத நாயக நம்பிவெற்பி
லம்பனை யாத கரும்பனை யாரம் பகற்றவிண்டோ
யும்பனை யார்சிதை வுட்குறித் தாயவ் வொருவினையெங்
கொம்பனை யார்நின் குறைமறுத் தாற்பின் குறித்தருளே. (110)
தலைவியிளைமைத்தன்மை பாங்கி தலைவற்குரைத்தல்.
4721. வளையாள் குடங்கையன் மால்வேத நாயக வள்ளல் வெற்பிற்
றுளையாள் குழன்மொழி கண்கள் வின்று துகிலுருவக்
கிளையாள் குறிப்பி னளையாள்கல் லார்மொழி கேட்டலினிவ்
விளையா ணலமண்ண லேவிழைந் தாயெனி னென்பயனே. (111)
தலைவன் தலைவிவருத்தியவண்ணமுரைத்தல்.
4722, கோங்கிற் பொலிகுளத் தூர்வேத நாயகக் கோன்வரைப்பா
னீங்கிற் றெறூஉங்குறு குங்காற்றண் ணென்னு நெருப்பினைத்தன்
பாங்கிற் பதியவைத் தென்னாவி வாட்டிய பான் மொழியைத்
தாங்கிற் றெனுமிடை யாயிளை யாளென றக்கதுவே. (112)
பாங்கி செவ்வியருமை செப்பல் .
4723. செறியவித் தாரணி சூழ்வேத நாயகச் செம்மல் வெற்பிற்
குறியவித் தார்வடம் போலோர் சிறிய குரம்பையுட்புக்
கறியவித் தார விளையாட லோவி யடங்கியைந்து
பொறியவித் தாரி னிருப்பாட்கென் சென்று புகல்வதுவே. (113)
தலைவன் செவ்வியெளிமை செப்பல்.
4724. சந்தான தாரு வெனும் வேத நாயகத் தண்ணியன்ற
னந்தாநன் மால்வரை வாய்விரை வாயன் னகுகுழலாய்
பந்தா னியன் முலை யெவ்வா றிருப்பினும் பார்தலைவன்
வந்தா னெனினென்ற வந்தா னெனவெதிர் வந்திடுமே. (114)
என்னை மறைப்பினெளிதெனநகுதல்.
4725. உடையார் பிறரில் லுடைமை யுறவந் துறுங்கொனுண்ணு
லிடையார் நினக்குரி யாரா யினுமென் னுதவியின்றி
யடையார் புயத்தொடை யாயடை வாய்கொ லடுகளிறு
விடையா ரரியெனு மால்வேத நாயக வேள்வரைக்கே. (115)
அந்தகை பொறாதவன் புலம்பல்.
4726. மெய்யோ குதித்த புகழ்வேத நாயக வேள்வரைவா ழுந்தே
யையோ விவர் திரு வாய்க்கென்செய் தேன்வெவ் வழற்கொ
பொய்யோ வெனச்சில வார்த்தைமுனல்கிப் பொலியவிடு
நெய்யோ வெனநகை நல்கிய தாற்பி னினைப்பரிதே. (116)
பாங்கி தலைவனைத்தேற்றல்.
4727. விற்றா ரணிபுய மால்வேத நாயக வேளொடிக
லுற்றா ரெனவுட் கலங்க மலங்க லொளிர்புயத்தாய்
பற்றார் மகளி ரலர்தோழியரருள் பற்றினவர்
மற்றாரென் போலென்சொ லிந்நாண் மறாளம் மடமயிலே (117)
பாங்கி கையுறையேற்றல்.
4728. ஏழிற் பொலிகளிற் றான்வேத நாயக வேந்தல் வெற்பிற்
சூழிற் புரக்குமித் தோன்றல்கை சான்றமென் றூயதழை
காழிற் பொலியல்கு லாட்கணி யாகவென் கையுற்றம்மா
வூழிற் பெருவலி யாவுள வென்ப துணர்த்தியதே. (118)
தலைவன் ஆற்றல்.
4729. ஓருயிர் நோயைமற் றோருயி ரேற்பதி லொண்டழையேற்
றாருயிர் நோயையிப் பேருயி ரேற்ற தருளுணர்ந்திச்
சீருயி ரோம்பவென் செய்வதென் செய்யுமண் செல்லுக்குப் பல
வாருயி ரோம்பு புகழ் வேத நாயகன் மால்வரைக்கே. (119)
இறைவன்றனக்குக் குறைநேர்ப்பாங்கி இறைவிக்கவன் குறையுணர்த்தல்.
4730. பரியர் கரியர்கள் சூழ்வேத நாயகப் பாரிவரைக்
குரியர் பிரிய ரொருவர் வருவர் நம் மோர்புனத்தே
யரியர் தெரியவும் வாய்திற வார்தளி ரங்கையரப்
பெரிய ருவப்புற யாஞ்செயத் தக்கதென் பெண்ணமுதே. (120)
இறைவி அறியாள் போன்று குறியாள் கூறல்.
4731. கனியிற் பொலிபொழில் சூழ்குளத் தூரன் கரிசறுத்த
வனியிற் பொலியும் புகழ் வேத நாயக வள்ளனட்பு
நுனியிற் கரும்பு தினல்போ லினிக்கு நுவலரிய
பனியிற் பொலிபிறை போல்வள ராநிற்கும் பான் மொழியே (121)
பாங்கி யிறையோற்கண்டமைபகர்தல்.
4732. மையுறை வாட்கண் மடந்தைகல் லாய்கடல் வாரியெனுஞ்
செய்யுறை நீர்குளத் தூர்வேத நாயகச்செம்மல் வெற்பிற
பொய்யுறை யாமொழி யார்கழி யார் நம் புனத்தினின்றுங்
கையுறை யார்நிற் கருதின ராய்நிற்பக் கண்டனனே. (122)
பாங்கியைத் தலைவிமறைத்தல்.
4733. தென்னைக் கருதிய சீர்வேத நாயகச் செம்மல்வரை
தன்னைக் கருதிப் புகுவன்றி மான்குஞ் சரங்கருதிப்
பொன்னைக் கருதி மணியைக் கருதிப் புனம்புகுவா
ரென்னைக் கருதிவந் தாரென்ப தென்செவிக் கேற்பதன்றே. (123)
பாங்கி என்னை மறைப்பதென்னெனத்தழால்
4734. பொன்னை மறைப்ப தொரீஇயடைந் தார்கலி போகநல்கு
மின்னை மறைப்பரு மால்வேத நாயக வேள்வரைவா
யன்னை மறைப்பதுண் டோதன் மகவுக் கடிப்பணிசெ
யென்னை மறைப்பதென் னோபெரு மாட்டி யிதுவியப்பே. (124)
பாங்கி கையுறைபுகழ்தல்.
4735. அலைத்தலை மானனை யாய்நிதிக் கோனுயி ராயமனை
முலைத்தலை காணரி திம்முத்த மென்று மொழிபலவான்
கலைத்தலை யார்விருப் பாற்கொடுத் தாரென் கயிற்சுகுண
மலைத்தலை யேறிநின் றோன் வேத நாயக மால்வரைக்கே. (125)
தோழி கிழவோன் துயர்நிலைகிளத்தல்,
4736. செய்யோ வருங்குளத் தூர்வேத நாயகச் சேய்வரையென்
மெய்யோ விளைத்தது காலோ நடந்து மெலிந்தனவங்
கையோ சலித்தன மாந்தளிர் கொய்தென்பர் காணொருவ
ரையோ பிறிதொன்றும் வாய்திற வார்நின் றலசுவரே. (126)
மறுத்தற்கருமைமாட்டல்.
4737. மழையேந்து காக்குளத் தூர்வேத நாயக மால்வரைப்பைக்
தழையேந்து கையொடு காணுந் தொறும் பெருந் தக்கவர்முன்
பிழையேந்து பொய்பல பேசினன் யானினிப் பேசறியேன்
குழையேந்து மொண்செவி யாய்மறை வேயுட் குறித்தனனே. (127)
தலைவன் குறிப்பு வேறாக நெறிப்படக்கூறல்.
4738. சீலத்தை நோக்கிய மால்வேத நாயகச் சேய்நகரோர்
தாலத்தை நோக்கி யுதியர்வெங் கோபமுந் தாங்கவந்த
காலத்தை யென்செய்வ தென்றுயிர்த் தாரக் கருத்திலுறுங்
கோலத்தை யோசிறி யேனறி யேன்குறி யேனொன்றுமே. (128)
தோழி தலைவியை முனிதல்.
4739. விள்ளத் தகாத புகழ்வேத நாயக வேள்வரைவா
யெள்ளத் தகாத விளமயி லேசிறி யேனை நட்பாக்
கொள்ளத் தகாதறி யாமையி னாற்சொன்ன கூற்றினையு
முள்ளத் தகாது னுளத்ததுற் றாருக் குவந்துரையே. (129)
தலைவி பாங்கியைமுனிதல்.
4740. காயு முனியு மெனாவேத நாயகக் காளைவெற்பி
னீயு முனியும் படியடைந் தாரொரு நேயர்நமர் வாயு
முனியு மினிவெளிப் பட்டு வரினயற்பல் பேயு
முனிமென் றாலென்னை யோநின்னைப் பேசுவதே. (130)
தலைவி கையுறையேற்றல்.
4741. பொன்னோடு நேரு மதிவேத நாயக பூபன்வெற்பி
னின்னோடு வாடுந் தழையது நோக்கியென் னேயமன
மென்னோடு வாடு நின் சொன்மறுப் பேன்கொல்கை யேற்றதழை
மின்னோடு நேரிடை யாய்தடை யாதென்கை மேவுதற்கே. (131)
இறைவிகையுறையேற்றமையாங்கியிறைவற்குணர்த்தல்.
4742. நன்னிலை யேநிற்கு மால்வேத நாயக நம்பிவெற்பிற்
பொன்னிலை வேல தழையென்று கூறிய போதுவகை
யென்னிலை யேற்றனண் மோந்தன ளொற்றி யியம்பியபேர்
முன்னிலை யேவல் வினையா வுணர்ந்தனண் முற்றிழையே. (132)
பாங்கி தலைமகற்குக்குறியிடங்கூறல்.
4743. பாங்கா மரகதப் பாறை முகின்மண் படிதலுற்று
நீங்கா துறைந்தென நாப்ப ணுறச்சுற்று நின்றொளிர்பூ
வாங்கா மருசந்த னச்சோலை யாம்பக லாடுமிடம்
வீங்கா வெழுபுகழ் மால்வேத நாயக வேள்வரைக்கே. (133)
பாங்கி குறியிடத்திறைவியைக்கொண்டுசேரல்.
4744. சீர்மலி சாந்த குணவேத நாயகச் செம்மல்வரைச்
சார்மலி மாமயி லாடுத னோக்கித் தளிர்கள் கொய்து
கார்மலி குன்றெதிர் கூய்வீழ் புனலெதிர் கைமறித்தியா
மேர்மலி காவினன் காடற் கிறைவி யெழுந்தருளே. (134)
பாங்கி தலைமகளைக்குறியிடத்துய்த்து நீங்கல்.
4745. குலவு நலமலி சீர்வேத் நாயகக் கோன்வரைப்பா
லுலவு நலமலர் கொய்திங் குறுவ லுறுமளவு மிலவு
கலவுசெவ் வாயமு தேயினி திவ்விடத்தே நிலவு
கலவ மயிலாட னோக்குபு நின்றருளே. (135)
இறையோன் குறியிடத்தெதிர்ப்படுதல்.
4746. அந்தோ நடந்து வருந்தின வோபத மல்குமிடை
பந்தோ வெனுமுலைப் பாரம் பொறாது பதைத்ததுவோ
நந்தோ வெனுங்களத் தீர்வேத நாயக நம்பிவரை
வந்தோ வியமென நின்றதென் மேல்வைத்த மன்னருளே. (136)
புணர்ச்சியின் மகிழ்தல்.
4747. கண்ணத் தவஞ்செய் ததுமன மற்றிவர் காமருரு
நண்ணத் தவஞ்செய் ததுதோண் முலையை நலிகலியை
மண்ணத் தவஞ்செய் தவன் வேத நாயக மால்வரைவா
யுண்ணத் தவஞ்செய் ததுவா யமுதெனக் கொப்பெவரே. (137)
புகழ்தல்.
4748. இரவே விளங்குங் களங்க மறாதிக லேற்றரவம்
வாவே மறையு நிறையுங் குறையுமற் றோர் தினமெய்க்
கரவே யுறுமம் மதியோ விவர்முகக் காமர்மதி
திரவேத நாயக மால்வரைப் பாலொக்குஞ் செப்பரிதே. (138)
தலைமகளைத் தலைமகன் விடுத்தல்.
4749. பொருவேயில் பன்மலர் பூத்திருந்தாலும் புனற்றடமொண்
டிருவேசெந் தாமரை நாப்ப ணுறாவிடிற் சீருறுமோ
வொரு வேத நாயக மால்வரைச் சார லுறவனப்பை
யிருவே யுறழ்திர டோளாய நாப்ப ணெழுந்தருளே (139)
பாங்கி தலைவியைச்சார்ந்து கையுறைகாட்டல்.
4750. முகப்பகை யாய கமலமும் வண்டு முழங்குமங்கைக்
ககப்பகை யாயசெங் காந்தளுங் கொய்தரும் பாயமுல்லை
பகப்பகை யாய நகையாய் கொணர்ந்தனன் பார்கலிக்கு
மிகப்பகை யாய கொடை வேத நாயக வேள்வரைக்கே. (140)
தலைவியைப் பாங்கிற்கூட்டல்.
4751. இருளிற் கமல மலர்ந்தது வள்ளையி வேறியது
சுருளிற் கழிந்த கருநீல மாயத்திற் றுன்னுவம்வா
வருளிற் பெரியன் பொருளிற் பெரிய னமைந்த பன்னூற்
றெருளிற் பெரிய னெனும் வேத நாயகச் சேய்வரைக்கே. (141)
நீங்கித்தலைவற் கோம்படை சாற்றல்.
4752. நிறவேல்கைக் கொண்ட நெடுந்தகை யேயெமர் நீதியுமிவ்
வுறவே லெனும் பக்க முந்தேர்ந் திடையீ டுறப்புரிந்தேன்
றிறவேல் விழிபழி சாரா வகையது சிந்தை செய்யேன்
மறவே லெனையென்று நூல் வேத நாயக மால்வரைக்கே. (142)
உலகியன் மேம்படவிருந்து விலக்கல்.
4753. பாலிற் சமைந்த தினைமூ ரலுமெமர் பற்று கொடுங்
கோலிற் சமைந்த முயலூனுந் தேனுங்கைக் கொண்டருந்தி
வேலிற் சமைந்தகை யாயின்று வைகி விடியுமுன்சென்
மாலிற் சமைந்த கொடைவேத நாயக மாலவரைக்கே. (143)
விருந்திறைவிரும்பல்.
4754. காதா யினுமினி யாயென்பர் பாலருள் காட்டு பெருங்
கோதா யினும் வளர் சீர்வேத நாயகக் கோன் வரைப்பாற்
சூதா யினும் வளர் பூண்முலை யீருங்கை தொட்ட பொருள்
யாதா யினுமெனக் கின்னமு தாமுணற் கென்கசப்பே . (144)
ஒருசார்பகற்குறி.
கிழவோன் பிரிந்துழிக் கிழத்தி மாலையம்பொழுதுகண்டிரங்கல்.
4755. வேயாமல் வைப்பதில் சீர்வேத நாயக வேள்வரைவா
யீயாம லீட்டுந ரீயா வளற்றி னிடைவிழல்போற்
பாயாமல் வல்லிருள் சீப்பவன் மேல்கடற் பால் விழுந்தான்
மாயாம லன்னர் பழிபோ லெழுந்தது மாலையுமே, (145)
பாங்கி புலம்பல்.
4756. நம்மாலை யேநிகர் மால்வேத நாயக நம்பிவெற்பி
லெம்மாலை யோசெய் வதியா திறைவ ரிணைத்தடந்தோ
ளம்மாலை யேவிழைந் தாமாலை யேற்ற வணங்கணங்க
விம்மாலை யேவினர் யாரவர் வாழிய வெற்றைக்குமே. (146)
தலைவனீடத்தலைவிவருந்தல்.
4757. பொன்னோ வெனுமதி மால்வேத நாயக பூபன்வெற்பி
லன்னோ வருள்விழி காவியென் றார்தனி யாவியென்றார்
மின்னோ வெனுமிடை தேம்புமென் றார்கடு வேம்புமென்றா
ரென்னோ வராதொளித் தாரளித் தாரெம் மிறையவரே. (147)
தலைவியைப் பாங்கிகழறல்.
4758. கூடினர் பின்பிரி வார்பிரிந் தாரும்பின் கூடுவர்வா
னோடினர் தோன்று வதும்பின் மறைவது முள்ளுணர்பாப்
பாடினர் கற்ப தருவேத நாயக பார்த்திபனோ
டூடினர் போர்கலங் கேலய லோரி னொழிவதன்றே. (148)
தலைவி முன்னிலைப்புறமொழிமொழிதல்.
4759. தகையுற் றிடுகுறிப் பான்மொழி யாமுனந் தாமுணரு
மிகையுற் றிடுநரல் லார்க்கொரு வார்த்தை விடுப்பதினுந்
திகையுற் றிடுமெய்ப் புகழ்வேத நாயகச் செல்வனொடு
பகையுற் றிடுமது வேநன்று நன்று படர்பவர்க்கே . (149)
தலைவி பாங்கியொடுபகர்தல்.
4760. ஏட்டிற் பதிப்பருஞ் சீர்வேத நாயக வேந்தல் வெற்பில்,
வேட்டிப் படித்துய ரென்று செய் தோனிரு மெய்யுமொன்றா,
நாட் டிப் படைத்திலன் யானென்செய் கேன்சொன் னவின் மொழியோ,
கூட்டிப் பிரித்துப் பிரித்துப்பின் கூட்டவொண் கோற்றொடியே. (150)
தலைவியைப் பாங்கியச்சுறுத்தல்.
4761. நெஞ்சிறை கொண்ட விறைவெளித் தோற்ற நிறீஇப்புனத்து
ளஞ்சிறை வன்னி யிறைகொளச் செய்த தறிந்தனரே
னஞ்சிறை வேனம ரிற்சிறை வைப்பர்நள் ளார் நலிய
வெஞ்சிறை செய்த திறல் வேத நாயக வேள்வரைக்கே. (151)
நீங்கற்கருமை தலைவிநினைந்திரங்கல்.
4762. காவியொன்றாக மதன் வேத நாயகக் காளை வெற்பி
னாவியொன் றாகப் புனை குழ லாய் நல நண்ணவெங்கட்
காவியொன் றாக வமைந்தது போன்மெய்யு மன்று செய்த
பாவியொன் றாகப் படைத்தில னேயென்ன பாவமிதே. (152)
தலைவிக்கவன்வரல் பாங்கிசாற்றல்.
4763. பேரொலி நீர்வயல் சூழ்குளத் தூரன் பெருந்தமிழ்ப்பாச்
சீரொலி யேற்குஞ் செவி வேத நாயகச் செம்மல் வெற்பிற்
காரொலி யேற்று மகிழ்மயில் போலநங் காவலர் தந்
தேரொலி யேற்று மகிழ்வாய் குழைநின் றிருச்செவிக்கே. (153)
பாங்கி தலைவற்குச் சிறைப்புறமாகச் செறிப்பறிவுறுத்தல்.
4764. பணியார் பணிய நகுவேத நாயகப் பண்பன் வெற்பிற்
கணியார் மதுமலர் வாய் திறந் தார்முற் கடிந்தபகை
தணியார் தினையற நாட்குறித் தார்தடிந் தாரினியாந்
திணியார் மனத்தின் மயில்காள் செல் வேமெஞ் சிறுமனைக்கே. (154)
முன்னிலைப்புறமொழி மொழிந்தறிவுறுத்தல்.
4765. சிறப்பினுஞ் செல்வத்தினும் பொலி வோன்செம்பொனேற்றவரே
யுறப்பினு நல்கு மொருவேத நாயக வும்பல் வெற்பிற்
பறப்பினும் பாடினுங் கூடினு நீடின பார்த்திபர்தா
மறப்பினு நீவிர் மறவீர்வண் டீரெங்கண் மாதினையே. (155 )
முன்னின்றுணர்த்தல்.
4766. தாவேங்கை யென்றிரப் பார்காம தேனு தழலுமிழ்கண்
மாவேங்கை யன்ன வலி வேத நாயக மால்வரைமேற்
பூவேங்கை காட்டத் தடிந்தார் தினையிப் புனத்தையினிக்
காவேங்கை விட்டனங் காப்பே மனையகங் காவலனே. (156)
முன்னின்றுணர்த்தி ஓம்படை சாற்றல்.
4767 இனையென் றுளங்கொண்டிருந்தேமெம் முள்ளஞ் சிகைத் திடுக
வினையென் றுளங்கொண் டிலே மைய னேயினி மேவிடமூர்
மனையென் றுளங்கொண் டவண்வா புரத்தி மயிலையுல
கனையென் றுளங்கொண்ட மால்வேத நாயக வண்ணலொத்தே. (157)
கிழவோன் தஞ்சம்பெறாது நெஞ்சொடுகிளத்தல்.
4768. தண்ணிய வாறடி கொப்புள் கொள் வெப்புந் தருவது போற்
கண்ணிய வின்பந் தருபுனந் துன்பமுங் காட்டியது
புண்ணிய வான் குளத் தூர்வேத நாயக பூபன்வெற்பி
னண்ணிய வாமன மேயென்செய் வாமுண் ணலிதுயர்க்கே. (158)
பகற்குறி இடையீடு.
இறைவனைப் பாங்கி குறிவால் விலக்கல்.
4769. புறவரி வானிக ருங்குர னோக்கப் புனம் புகுந்து
குறவரி யாளி பொருமா றுலாவுவர் கோற்றொடிப்பொன்
னிறவரி மானப் பொலிவேத நாயக நேயன்வெற்பின்
மறவரி வேல்விழி பாற்பல காலும் வருமன்னையே. (159)
இறைவியைப் பாங்கி குறிவால்விலக்கல்.
4770. கடங்கொண் டெழுகளிற் றான் வேத நாயகக் காளைவெற்பி
லிடங்கொண் டெழுமுலை யுங்குலை யுஞ்சிற் றிடையுமெய்யிற்
றிடங்கொண் டெழுபசப் புங்கண்டென் னோசிந்தை செய்தனளாய்
மடங்கொண் டெழுமயி லேயினி வாரலிவ் வண்பொழிற்கே. (160)
இறைமகளாடிடநோக்கியழுங்கல்.
4771. கனமே பொருவுசெங் கைவேத நாயகக் காளைவரைப்
புனமே வுதலை நினையா மனையிற் புகுதுவமித்
தினமேயெந் நன்றி கொன்றார்க்கு முய் வுண்டுய்வு செப்பினிலை
மனமே செய்ந்நன்றி கொன் றார்க்கென் பதனை மறந்தனமே. (161)
பாங்கியாடிடம் விடுத்துக்கொண்டகறல்.
4772. குரல்கவ ராது கடிந்ததெண் ணாதிக் குளிர்புனத்தே
யுரல்கவர் காற்களிற் றார்வரிற் போஞ ருற்றறன்மீன்
சிரல்கவர் செய்க்குளத் தூர்வேத நாயகச் செம்மல்வெற்ப
தரல்கவ ரோதியர் சென்றாரென் றோதுமின் றத்தைகளே. (162)
பின்னாள் நெடுந்தகை குறி வயினீடு சென்றிரங்கல்.
4773. வேனினங் காமரு வேள் வேத நாயக வீரன் வெற்பென்
னூனினங் காமுயிர் நிற்குங்கொல் லோகண் ணுறாதொழியி
னேனினங் காதன் மயிலனை யாரிவ் விடத்தெதிரார்
மானினங் காளளி காள்கிளி காளென் மருவியதே. (163)
வறுங்கள நாடி மறுகல்.
4774. ஒருமான் பின் சென்று வருமான வன்கண்ட வோரிடம் போற்
றிருமா னிருந்த விடமாயிற் றாலின்னுஞ் செய்வதுண்டோ
பொருமான வீரப் புயன் வேத நாயக பூபன்வெற்பில்
வருமான் மயிலினங் காண் முன்பு போலின்ப வாழ்வினையே. (164)
குறுந்தொடிவாழுமூர் நோக்கி மதி மயங்கல்.
4775. கொண்டலை வென்ற கொடைவேத நாயகக் கோன்வரையித்
தண்டலை நின்றுழல் கின்றனம் யாமதுத் தாரையுண்டு
வண்டலை யொண்குழல் வாழுஞ்சிற் றூரது மற்றதனைக்
கண்டலை கின்றன கண்களென் செய்யக் கடவனவே. (165 )
இரவுக்குறி.
இறையோன் இருட்குறி வேண்டல்.
4776. மின்னா முழங்குவ மேகங்கல் லாமை மிகுமனத்திற்
றுன்னா மலிந்தது தூங்கிரு ளோங்குமுட் டூயர் தமிழ்த்
தென்னா வெனவளர் மால்வேத நாயகச் செம்மல் வெற்பிற்
பொன்னா வெனுமட வீர்விருந் தாய் நும்மிற் போதுவனே. (166)
நெறியின தருமை கூறல்.
4777. வேலோ டுலாவு மெமருமுள் ளஞ்சுவர் வேழமிரு
நாலோடு கீளச் சமையே றுலாவு நடவையுற
நூலோடு நாளும் பயில்வேத நாயக நுண்மதிச்சீர்
மாலோடு நட்படை யார்க்கே தகுநீ மருவரிதே. (167)
இறையோன் நெறியின தெளிமைகூறல்.
4778. போதே யிடங்கொணின் பொன்னனை யாண் முலைப் போர்க்களிறு
மாதே யிடைச்சிங்க மல்குற் பணியொடு மாறுகொள்ளேன்
காதே தெனினுமுள் ளஞ்சுவ லோகலங் கேன்சுகுண
மீதேறி நின்ற புகழ்வேத நாயக வேள்வரைக்கே. (168)
பாங்கியவனாட்டணியியல் வினாதல்.
4779. நின்னாட் டியன்மட வார்விளை யாடுநன் னீழலெவன்
பொன்னாட் டிழையெவன் பூசும் விரையெவன் போற்றுடையெ
னிந்நாட்டின் மேவைந் தருவேத நாயக வேந்தல் வெற்பின்
மின்னாட்டிசையண்ண லேயெண்ண லேதும் விளம்புகவே. (169)
கிழவோன் அவணாட்டணியியல்வினாதல்.
4780. என்னாட் டணியிய லாயுங் குறிப்பு ளினி துணர்ந்தேன்
பொன்னாட் டியன்மட மாதே புனல்கொடு பொங்குபொன்னி
நன்னாட் டியல்குளத் தூர்வேத நாயக நம்பிவரை
நின்னாட் டணியிய லெல்லா மெனக்கு நிகழ்த்துகவே. (170)
அவற்குத் தன்னாட்டணியியல்பாங்கிசாற்றல்.
4781. நாடுவர் கற்ப தருவேத நாயக நம்பிவெற்பிற்
சூடுவர் முத்த முடிப்பர் பொன் வேங்கைத் துணர்குறிஞ்சி
பாடுவர் பூசுவர் செஞ்சாந்து நீந்து படர்சுனைபுக்
காடுவர் பிண்டி நிழற்பயில் வாரெம் மரிவையரே. (171)
இறைவிக்கு இறையோன் குறையறிவுறுத்தல்.
4782. எட்டினை யொக்கும் பழியு மிலான்றெவ் விரிதரும்வாள் .
வெட்டினை யொக்கு நகை வேத நாயக வேள்வரைவாய்
வட்டினை யொக்கு முலையாய்பன் மாவுறும் வட்டையிற்கண்
கட்டினை யொக்கு மிருள்வரல் வேண்டினர் காதலரே. (172)
நேராதிறைவி நெஞ்சொடுகிளத்தல்.
4783. கண்ணனை யார்புகழ் வாரெனச் சீர்த்தவன் காவின்மலர்க்
கண்ணனை யார்குளத் தூர்வேத நாயகக் காளைவரைக்
கண்ணனை யார்கரி தேர்ந்தரி மேவுங் கடுவழிநங்
கண்ணனை யார்வரு வார்மன மேயென் கருதுவதே. (173)
நேரிழைபாங்கியொடு நேர்ந்துரைத்தல்.
4784. கருவா ரணங்கவிக் கீவோன்வெள் வாரணங் கையுடையோன்
மருவார ணங்கட வாவேத நாயக வள்ளல்வெற்பி
லொருவா ரணங்கர வஞ்சூ ருலாவழி யுற்றொருவர்
வருவா ரணங்கனை யாய்நினை யாயென் மறுப்பதுவே. (174)
நேர்ந்தமைபாங்கிநெடுந்தகைக்குரைத்தல்.
4785. குரவிடை யார்குழல் பொன்னடி வீழ்ந்துன் குறையுரைத்திவ்
விரவிடை யானிரந் தேன்கரந் தேனல் னெட்டுணையுந்
திரவிடை யாவன் சிலைகனி யாக்கவுந் தேர்ந்தனன் சீர்
வரவிடை யாளி யெனும் வேத நாயக மால்வரைக்கே. (175)
குறியிடைநிறீஇத்தாய் துயிலறிதல்.
4786. வண்டியை பூந்தொடை மால்வேத நாயக மன்னன் வெற்பிற்
கண்டியை மென்மொழி மாதே கரடக் கடவயிரத்
தண்டியை கோட்டுக் களிறொன் றுனக்குத் தளிருதவும்
பிண்டியை வந்தலைக் கின்றது நின்றது பேதுறவே. (176)
இறைவிக்கிறைவன் வரவறிவுறுத்தல்
4787. வடியொன்று வேனெடுங் கண்மட வாய்திட வாய்மை கொள்பல
குடியொன்று வான்குளத் தூர்வேத நாயகக் கோன்வரைப்பாம்
கடியொன்று வான்புன முன்னாள் வருவெங் களிறுவந்து
பிடியொன்று நாடி நிற்கின்றதின் றோர் நம் பெரும் பொழிற்கே (177)
அவட்கொண்டு சேறல்.
4788. பூக்கொண்ட வேங்கையின் வாய்த்தும்பி வந்து பொருந்தியது
காக்கொண்ட பூங்குழ லாயிறும் பூதது காண்பதற்குத் த்து
தேக்கொண்ட தாமரைத் தாள் பெயர் மெல்லச்செல் வாநிற
மாக் கொண்ட கொண்ட லெனும் வேத நாயக யால்வரைக்கே. (178)
குறியுய்த்த கறல்.
4789. மண்ணிற் பொலியும் வணஞ்செந் தமிழை வளர்த்தறிஞ
ரெண்ணிற் பொலியும் புகழ்வேத நாயக வேந்தல் வெற்புன்
கண்ணிற் பொலியு நறுநீலங் கொய்து கைக் கொண்டுநடு
விண்ணிற் பொலியுமின் னேயுறு வேனிங்கு மேவுகவே. (179)
வண்டுறைதாரோன் வந்தெதிர்ப்படுதல்.
4790. இரியா விருளின் மலர்மாளி கைச்செவ் விதழ்ப்புதவு
புரியா முழுமணிப் பூணொளி யேகதிர் போல வெழுந்
தரியா தனர்கண் மணிவேத நாயக வண்ணல்வெற்பில்
விரியா வுலாய்த்திறக் தோ திரு மாதிங்கு மேவியதே. (180)
பெருமகள் ஆற்றின தருமைநினைந்திரங்கல்.
4791. கல்லார் மனத்திற் கருகிருள் வாய்முட் கடுவழிக்கை
வில்லார் விழிக்கு மரிமாவ மர்க்கும் விலங்கிமதி
வல்லார் புகழ்குளத் தூர்வேத நாயக மன்னவனுக்
கொல்லாரி னீங்கடைந் தாய்பாவி யேன்பொருட்டுத்தமனே. (181)
புரவலன் றேற்றல்.
4792. ஒரு கோட்டு வாரண மாளரி கூற்றிற்குட் கேனலையே
பொரு கோட்டு வாரியு நீந்துவன் வெங்கரி பொங்கரிநேர்
வருகோட்டு வின்னுமர் கான்யாற்றுக் கஞ்சுவ லோமயங்கே
றிரு கோட்டு நன்மொழி வாய்வேத நாயகச் சேய்வரைக்கே. (182)
புணர்தல்.
4793. தறியா மதியுமத் தாமந் தரமுந் தனிக்கயிறா
முறியா வரவு மொரு தாழி யாமுழுப் பாற்கடலைச்
செறியா திருக்கவு முண்டே மமுதித் திறமெவர்க்காம்
வெறியார் மலர்த்தொடைத் தோள்வேத நாயக வேள்வரைக்கே. (183)
செறியார் மலர்த்தி புகழ்தல்.
4794. ஏற்றல வோதைக் குளத்தூரன் வெங்கலி யென்னுந்துய்க்குக்
காற்றல வோவெனு மால்வேத நாயகக் காளைவெற்பிற்
கூற்றல வோவெனுங் கண்மட வீருங் குளிர்நகைக்குத்
தோற்றல வோமுத்த நாளுக்கு நாண்மெய் சுருங்குவதே. (184)
இறைமகளிறைவனைக்குறிவால்விலக்கல்,
4795. பரிகரி பாவுக் கருள்வேத நாயகப் பண்பன்வெற்பிற்
புரிகரி நீதிக் கெனுமிறை வாரற்க போற்றியிது
தெரிகரி யாதமுள் ளாறுநள் ளாறு செலுமெமரு
மரிகரி யென்ப ரரகர வென்பால் வாயடைந்தே. (185 )
அவன் இறைவியையில்வயின் விடுத்தல்.
4796. வாரகந் தோய்முலை யாய்வேத நாயக வள்ளல் வெற்பிற்
சூரகந் தோய்பொழி லிவ்விரு ணீநிற்ற றூய்மையன்று
நாரகந் தோயு மனைதேடி நண்ணினு நண்ணுமெல்லப்
பாரகந் தோயநின் பாதார விந்தம் படர்மனைக்கே. (186)
இறைவியையெய்திப்பாங்கிகையுறைகாட்டல்.
4797. விரைமலி கூந்தலங் கானந் தளவுகண் வீரைநெய்த
லுரைமலி மாமைமின் னேசூடி யொற்றி யுறக்கொணர்ந் தேன்
றிரைமலி நாரை யணைத்துப் பெடைக்கிதஞ் செப்பவேண்டா
மரைமலி வான்குளத் தூர்வேத நாயக மால்வரைக்கே. (187)
இந்கொண்டேகல்.
4798. வம்பரை நட்புக் கொளாவேத நாயக மால்வரைப்பூங்
கொம்பரை நீயணைத் தாலுஞ் சினந்துட் கொதிக்கு மன்னை
யிம்பரை மேவியிக் கங்குலின் வாய்நிற்ப தேற்குங் கொலோ
வம்பரை யாள்விழி யாய்மெல்லச் செல்கநின் னாய்மனைக்கே. (188)
பிற்சென்றிறைவனை வரவுவிலக்கல்.
4799. சீராழி யங்கைப் புயல் வேத நாயகச் செம்மல் வெற்பிற்
காராழி மேலெழுந் தென்னச் செறிகருங் கங்குலின் வாய்ப்
பேராழி யம்புய மாளிகை வாழுமொர் பெண்பொருட்டின்
றோராழி யேழ்பரி யொண்டேரி லாய்வர லோவுகவே. (189)
பெருமகன் மயங்கல்.
4800. மயிர்நீத்து வாழுமென் னாமா னெனப்பெரு மானமிக்கோன்
செயிர்நீத்து வாழும் புகழ்வேத நாயகச் செல்வன் வெற்பிற்
பயிர்நீத்து வாழும் பசுங்கதி ரொற்றுமைப் பட்டுறுமின்
னுயிர் நீத்து வாழு முடலென்பை யேலுய்வ னொண்டொடியே. (190)
தோழி தலைமகள் துயர்கிளந்து விடுத்தல்.
4801. இரக்காம்பல் காட்டி யெனநா வலரிறு மாப்பநல்குந்
தரக்காம்ப னேர்வலி மால்வேத நாயக தாருவெற்பில்
வரக்காம்ப னேர்திர டோள் குழன் மாதுன்கை வண்டு நின்வா
யரக்காம்பல் சேர்த்திடி னின் பரிணாம மறிந்துய்வளே. (191)
திருமகட்புணர்ந்தவன் சேறல்,
4802. காலே கண் ணாகக் கருகிரு ளாயினுங் காவல் கொண்ட
மாலே நிகர்குளத் தூர்வேத நாயக மன்னன் வெற்பிற்
சேலேய் விழிமுலை தாக்கவென் றோளுற்ற செஞ்சந்தொளி
போலே யகற்ற வெளிதாவென் னூருக்குப் போதுவனே. (192)
இரவுக்குறியிடையீடு.
இறைவிக்கிகுளை இறைவரவுணர்த்தல்.
4803. நகைத்தா ரணிகுழன் மாதேபைந் தோகை நகுமயில் கண்
முகைத்தார் தருகணிச் சூழலின் வாயெல்லி முற்றும் பற்றித்
தகைத்தா ரணிபுகழ் மால்வேத நாயக தாருவொடு
பகைத்தார் பொருவத் துயிலா தழுங்கிப் பதைத்தலென்னே. (193)
தான் குறி மருண்டமைதலைவியவட்குணர்த்தல்.
4804. அயிரே யெனுஞ்சொ லனமெ யிதாருக் கறைகுவலென்
னுயிரேய் பவர்குறி யென்றுமற் றோர்குறி யுற்று மத்தார்
தயிரே யெனவுள் ளுடைந்திடைந் தேன்கங்கு றங்களவுஞ்
செயிரே யிலாத புகழ் வேத நாயகச் சேய்வரைக்கே. (194)
பாங்கி தலைவன்றீங்கெடுத்தியம்பல்.
4805. வடிக்கடி வேல்விழி யாய்வேத நாயக வள்ளல் வெற்பிற்
றொடிக்கடி மாலையந் தோள்வாடி யெல்லி துனைந்தினைந்தாங்
கடிக்கடி நீசென்று மாழாந் தணுகவுள் ளன்பிலர்போன்
முடிக்கடி மாலை மன்பர்செய் தார்பொய் முழுக்குறியே. (195)
புலந்தவன் போதல்.
4806. கனமேய் குழலி பொருட்டுக் குருட்டுக் கருங்கங்குல்வாய் -
வனமேவு வட்டை யிழுத்துப் பழுத்த சொல் வாணர்கொளத்
தினமே சிவிகை யருள் வேத நாயகச் சேய்வரையென்
மனமே யெனைக்கெடுத் தாய் கொடுத் தாய்துயர் வாழியவே. (196)
புலர்ந்தபின்வறுங்களம் தலைவிகண்டிரங்கல்.
4807. மன்னாக மேவி வளர்வேத நாயக வள்ளறுறைப்
புன்னாக மேயெத் தவம் புரிந் தாய்துயர் போர்த்து நிற்கு
மென்னாக முமிவ.ணுற்றோர் பயனின்றி யெய்திறைவன்
ரன்னாக முந்துன்னு தார்நீ யணிந்து தழைப்பதற்கே. - (197)
தலைவிதன்றுணைக்குரைத்தல்.
4808. பொன்னார மார்பப் புயல்வேத நாயக பூபன்வெற்பின்
மின்னார மார்ப னொருகணிக் கீழ்நின்ற மென்கொடிக்குத்
தன்னாரம் வாங்குபு சூட்டினன் யானென்று தங்கிருள்வா
யென்னா ரமுதனை யாய் தெரிந் தார்க்கி திகழ்ச்சியன்றே. (198)
தலைமகளவலம்பாங்கிதணித்தல்.
4809. காமரை வென்ற கவின் வேத நாயகக் காளைவெற்பி
னாமரை யாமத்து நண்ணினர் செய்த நகுகுறியோ
பாமரை மேகலை யாய்மெய்ம்மை யேயுட் பரிவொழிக
தாமரை வேங்கையின் மேலே றியதிறந் தானுணரே. (199)
இறைவன் மேற்பாங்கிகுறிபிழைப்பேற்றல்.
4810. பாட்டார் சுரும்பு முரறொடை யீர்புகழ் பற்றிய கோ
னாட்டார் குடிக்கு முதல்வேத நாயக நம்பிவெற்பின்
மாட்டாரெம் மூர்க்கு வரன்மறந் தீரின்பம் வாய்மடுப்ப
வேட்டார் நும் மூர்க்கு வருவேமவ் வூர்ப்பெயர் விள்ளுமினே. (200)
இறைவிமேலிறைவன்குறிபிழைப்பேற்றல்.
4811. நத்தேர் மலி செங்கை மால்வேத நாயக நம்பிவெற்ப
கத்தேநின் மங்கையை யாய்ந்ததற் கோதுங் கரியதுவே
முத்தே யெனுநகை யாய்பிறர் குற்ற மொழிநரன்றி
யொத்தேதங் குற்ற முரைப்பா ரெவரிவ் வுலகத்திவே. (201)
அவள்குறிமருண்டமையவளவற்கியம்பல்.
4812. மேலாய தென்குளத் தூர்வேத நாயக வேள்விலங்கற்
பாலாய நின்குறி யோராது வேறு படுங்குறியன்
பாலாய நின்குறி யென்றடைந் தேயல் லழுங்கவெங்கள்
சேலாய கண்ணிதன் பாலுற்ற தாலொரு தீவினையே. (202)
அவன் மொழிக்கொடுமை சென்றவளவட்கியம்பல்.
4813. ஏடா ரலங்கற் புயவேத நாயக வேந்தல் வெற்பி
லோடா விருளில் வெருளில் வழுவை யுழுவையரி
கூடா வெதிர்கொளக் கண்டுமொர் மான்குறு காமையினால்
வீடா வஞருற்றுச் சென்றேனென் றாரன்பர் மெல்லியலே. (203)
என்பிழைப்பன்றென் றிறைவிநோதல்.
4814. கந்தோ டிகல்களிற் றான் வேத நாயகக் காளை வெற்பில்
வந்தோ வவர்செய் குறிகுறி யாது மயிறுயிலா
திந்தோ வெனுநுத லாய் பிணங் கோதையை யேற்றழுங்கி
யந்தோ விறைவருக் கியான் செய்த தீங்குக் களவிலையே. (204)
தாய் துஞ்சாமை.
4815. நிலங்கொண்ட தாணெடு மால்வேத நாயக நேயன் வெற்பி
னலங்கொண்ட வாண்முகத் தாய்நொச்சிப் பூவுதிர் நள்ளிருளு
மிலங்கொண்ட தாய்கண் டுயிலா கருநெய்த லென்றுவமை
புலங்கொண் டவர்சொல் வதுதகு மாலப் பொருவிழிக்கே. (205)
நாய்துஞ்சாமை .
4816. வாய் துயின் றாலு மறாவம் பருக்கு வருத்து கொடு
நோய்துயின் றாலு நிலைமை யுறாதெங்கு நோக்கியலை
பேய்துயின் றாலும் புகழ்வேத நாயகப் பேகன் வெற்பென்
றாய்துயின் றாலுமென் னாய்துயி லாது தவக்குரைத்தே. (206)
ஊர் துஞ்சாமை.
4817. ஆடுவர் தென்குளத் தூர்வேத நாயக வண்ணல் புகழ்
பாடுவர் மன்ற லணிகாணத் தீபம் பலவமைத்துக்
கூடுவ ரிந்நக ருள்ளாரிவ் வாறு குலவியின்ப
நீடுவ ரென்னினெவ் வாறன்பர் தாமிங்கு நேர்வதுவே. (207)
காவலர்கடுகுதல்.
4818. மிடியொலி மாற்றிய மால்வேத நாயக வேள் குளத்தூர்க்
கடியொலி யோங்கு மதுவும்பற் றாதென்று காவலர்கைத்
துடியொலி யோங்கக் கடிப்புறத் தாக்குமித் துன்றொலியா
லிடியொலி யேற்கு மாவாயி னேன்செய்வ தென்னணங்கே. (208)
நிலவு வெளிப்படுதல்.
4819. சினக்கதிர் வேலுடை யானெளி யேற்கருள் செய்ய மதன்
றனக்கதிர் வாற்றவென் மான்றேர் கடவித் தனிவருநாண்
மனக்கதிர் வில்வலி மால்வேத நாயக வள்ளல்புக
ழெனக்கதிர் வீசி நெடுவான் முகட்டி லெழுநிலவே. (209)
கூகை குழறுதல்.
4820. படியிடை யாய்புகழ் மால்வேத நாயகப் பண்பன்வெற்பிற்
றுடியிடை யாயென வேளலர் தூற்றத் துவளுமென்பா
லடியிடை யாய்மல ராயறி யாளென் றவர்வருநாட்
கொடியிடை யாய்கொடி தேகொடுங் கூகை குழறுவதே. (210)
கோழிகுரற்காட்டுதல்.
4821. விண்மாரி யென்ன வருள் வேத நாயக வேள்வரைவாய்க்
கண்மாரி பெய்யக் கரைவேன் வெப்பாற்றவென் கண்ணுறுமன்
புண்மாரி நீங்கக் களநீட்டிக் கூஉய்த்துயி லூர்க்கொழிக்கு
மண்மாரி முன்பெய்த தூர்க் கோழிக் கோசொன் மடமயிலே. (211)
வரைதல் வேட்கை.
தலைமகளைப்பாங்கி பருவரல் வினவல்.
4822. கொடியொடு நேரு மிடையாய் பகைஞர் குடுமிவளைத்
தடியொடு சேர்க்குந் திறல் வேத நாயக வண்ணல் வெற்பிற்
கடியொடு மேவுநற் றாய்கொல்கைத் தாய்கொல் கறுத்தவர் பொற்
றொடியொடு தொல்கவின் வாடுதற் கேதுவென் றோளுரையே. (212)
அருமறை செவிலியறிந்தமை கூறல்.
4823. அளவுகண் டாள் செந் தமிழ் வேத நாயக வண்ணல் வெற்பிற்
றளவுகண் டாணகை யாய்முலைப் பொன்னுந் தவாவடுவைப்
பிளவுகண் டாள்விழி முத்துஞ் செவிலி பெரிதுணர்ந்துட்
களவுகண் டாள்கறுத் தாள் சிவந் தாளிரு கண்களுமே. (213)
தலைமகன்வருந்தொழிற்கருமை சாற்றல்.
4824. நிறையொலி நீர்க்குளத் தூர்வேத நாயக நேயன் வெற்பிற்
சிறையொலி வாரணம் வெங்கூகை வாயொலி சேவகர்கைப்
பறையொலி ஞாளி குரைப்பொலி மல்கும் பயந்தவள்கண்
ணறையொலி யோதி துயிலாவெவ் வாறுறு நம்மிறையே. (214)
தலைமகனூர்க்குச் செல ஒருப்படுதல்.
4825. பாரோடு விண்ணும் புகழ்வேத நாயகப் பண்பன்வெற்பிற்
காரோடு பூங்குழ லாயிங் கிறைவர் கலப்பரிது
நாரோடு நாமவ ரூர்க்கேகி யேயின்ப நண்ணுவமவ்
வூரோடு மற்றதற் கேகிடு மாறு முணருகவே. (215)
பாங்கி இறைவனைப்பழித்தல்.
4826. கோமான் றடங்குளத் தூர்வேத நாயகக் கொண்டல்வெற்பில்
வாமான் றடநெடுந் தேர்மேனம் மூர்க்கு வரன் மறந்தார்
தாமான்ற கல்விய ராயினு மற்றவர் தம்பதிக்கே
நாமான்ற வுள்ளத்தி னேகுத லேநல நன்னுதலே. (216)
இறைவியியற்படமொழிதல்.
4827. உற்றவெல் லாமறி வாரறி யாமைநம் மூழ்வினையே
பொற்றவல் லார்முலை யாய்வேத நாயக பூபதிதன்
கற்றவல் லார்சொல் குளத்தூர்க் கரும்பு கசப்பது வாய்க்
குற்றமல்லால தன் மேற்சொல்ல லாவதொர் குற்றமென்னே. (217)
கனவு நலி புரைத்தல்.
4828. துயிலா விழிக டுயில் கங்குல் வாய்த்துயிலத்துணிபோ
தயிலா தரர்வந் தணைப்பக் குரைத்தடு நாயெழலா
வெயிலார் தடங்குளத் தூர்வேத நாயக வேந்தல்வரை
மயிலா மெனுமிய லாய்விழித் தேனுண் மயங்கினனே. (218)
கவினழி புரைத்தல்.
4829. தாவாத கல்வித் திருவுடை யான் பொழிற் றண்குளத்தூ
ரோவாத வாழ்க்கைப் புயல் வேத நாயக வும்பனட்பு
மேவா தவர் நலம் போலிறை யோன் வந்து வேல்விழியாய்
காவாத தன்மையி னாற் கொள்ளை போயதென் கட்டழகே. (219)
தன்றுயர் தலைவற்குணர்த்தல் வேண்டல் .
4830. வாசத் தமிழ்புனை யும்புக ழோன் பொழில் வான் குளத்தூர்
நேசத் தடம்புய மால்வேத நாயக நேயன்வெற்பி
லேசத் தகையடை யாமட வாயிறைக் கென்றுயரம்
பேசத் தகுநரு மூண்டேனம் மன்னைபெண் பெற்றவளே. (220)
துன்புறுபாங்கி சொல்லெனச்சொல்லல்.
4831. இகத்தே வளரிந் திரன் வேத நாயக வேந்தல் வெற்பின்
முகத்தே யிருவடி வேலுடை யாயுன் முழுத்துயருந்
தகத்தே மலர்த்தொடை யாருண ராரலர் தாமுணர்ந்துன்
னகத்தே யமர்வரெவ் வாறுரைப் பாரய லாரவர்க்கே . (221)
அலர்பார்த்துற்ற அச்சக்கிளவி.
4832. அல்லாரும் பூங்குழ லாய் வேத நாயக வண்ணல்வெற்பி
லொல்லாருஞ் செய்வர்கொ லுண்மெலி வேன்றுய ரோர்ந்து முரு
வில்லாருந் தூற்றுவர் மேன்மே லலரது மிக்குணர்ந்தூர்ப்
பல்லாருந் தூற்றுவ ரேலென்செய் வேன் கொடும் பாவியனே. (222)
ஆறுபார்த்துற்ற அச்சக்கிளவி.
4833. பிழையாது செய்தன னோபுல வோர் பெரும் பேறுபகை
தழையாது வைக்குந் தகைவேத நாயக தாருவெற்பர்
குழையா திவணின் றருநெறி யேதங் கொடிமதிலூர்க்
கழையாது போகவும் பின்செலு மாலென் னவாமனமே, (223)
காமமிக்ககழிபடர்கிளவி.
4834. குலமே வியசு குணவேத நாயகக் கோன்றுறை நீர்க்
கலமே யிலங்கல மேவிழி நீருங் கலங்கலமே
சலமே சலஞ்சல மேயொழி யாதது சஞ்சலமே
வலமே வுருவல மேயன்பர் தோளை மருவலமே. (224)
தன்னுட்கையாறெய்திடுகிளவி.
4835. குலவு குவளையந் தார்வேத நாயகக் கோன்கடலே
நிலவு மணையும் வெறுப்பாய் பசந்த நிறம் படைப்பா
யுலவு வளைபொருந் தாதெறி வாயல் லுறங்கிலையுட்
கலவு கருத்தென் றணந்தாய்கொ னீயுங் கணவரையே. (225)
நெறிவிலக்குவித்தல்.
4836. தாயனை யான் செந்தமிழ்வேத நாயக தாருவெற்பிற்
றீயனை யார்பயில் வெங்கா னெறியிற் செறியிருட்டோள்
வேயனை யாயுயிர் கொண்டேகி னாய்வெற் றுடனிமித்தஞ்
சாயனை யாய்வரல் பொல்லா தொழியென் றலைவனுக்கே. (226)
குறிவிலக்குவித்தல்.
4837. இளைத்தே மெலியு மிடையாயின் றேயித ணேறு புனம்
வளைத்தே தழல் கவண் கோடியென் றாளனை மற்றிருவி
கிளைத்தே குரல் கொண் டனவேத நாயக கேசரிவெற்
பிளைத்தே மலர்க்குழ லாய்வர லீங்கென் றியம்பிறைக்கே. (227)
வெறிவிலக்குவித்தல்.
4838. முறியாடல் கொண்ட பொழிற்குளத் தூரர் முதலவனன்
னெறியாடல் கொண்ட புகழ்வேத நாயக நேயன்வெற்பின்
மறியாடல் கொண்ட கண் ணாயெனைச் சூர்மரு விற்றென் றன்னை
வெறியாடல் கொண்டன ணீபிறி தோதி விலக்குகவே. (228)
பிறவிலக்குவித்தல்.
4839. நன்றே கருதி நகுவேத நாயக நம்பிசெம்பொற்
குன்றே கொடுவந் தெனக்கொணர்ந் தேபொன் குவித்தனரா
மின்றே திலரென் முலைவிலைக் காமிவ் வியல்பின் மொழி
சென்றே செவியகந் தீத்ததென் செய்வ றிருந்திழையே. (229)
குரவரைவரைவெதிர்கொள்ளுவித்தல்.
4840. வேயாதி புல்வழி யல்வர னீங்க விரிபுனற்கேர்
சாயாதி செய்குளத் தூர்வேத நாயக தாருவெற்பின் -
மாயா தியலன்பர் பொன்கொண் டெனைவரை யப்புகினந்
தாயா தியரெதிர் காயா திசை நறுந் தார்க்குழலே. (230)
வரைவுகடாதல்
வினவிய செவிலிக்கு மறைத்தமைவிளம்பல்.
4841. கைத்தாய் நங் கண்மணி கண்மணி சோரக் கனதனமும்
பைத்தா யடைய வடைந்ததென் கூறெனப் பார்க்கொருவாய்
மைத்தா யனைய வருள்வேத நாயக மால்வரைநிந்
தைத்தாய் வருமென்று மாற்றினன் வேறொன்று சாற்றியின்றே. (231)
அலரறிவுறுத்தல்.
4842. பலராய் புகழ்பெற்ற மால்வேத நாயக பானுவெற்பின்
மலராய் தொடைத்தடந் தோளண்ண னீ செய்த மன்னருடா
னலராய் தளிர்க்கை யரும்புமென் மாமுலை நங்கள் கொடிக்
கலராய் முடிந்தது காயா தெவர்புகழ் வார்கனிந்தே. (232)
தாயறிவுறுத்தல்.
4843. தெவ்வாய் வருநரி லாவேத நாயகச் செம்மல் வெற்பிற்
குவ்வாய் பிளப்பப் பலாக்கனி தொட்டுக் கொளுநகராய்
வெவ்வாய் வடிநெடு வேல்விழி மாதுபொன் மேனியொடு
செவ்வாய் விளர்ப்பிற் களவோர்ந்து தாய்கண் சிவந்தனளே. (233)
வெறியச்சுறுத்தல்.
4844. மேலா னறிவின் மிளிர்வேத நாயக வேள்வரைவாய்ச் றாய்
சூலான் மலிமுகி லொத்தகை யாய் தெய்வந் தொட்ட தென்
மாலான் மயங்கு மடமானுண் ணோய்மதி யாதுவன்னி
காலா னியங்கத் தகரியங் காமை கருதினளே. (234)
பிறர்வரைவுணர்த்தல்.
4845. சொல்லார் பெரும்புகழ் மால்வேத நாயகத் தூயன்வெற்பின்
மல்லார் புயத்த மடமாது கொங்கை வழங்குதொழி
லில்லார் திருவி னிடைபோய்க் கழிய வெழுதல் கண்டு
பல்லார் விரும்பினர் யார் விரும் பார்தனம் பாரிடத்தே. (235)
வரைவெதிர்வுணர்த்தல்.
4846. கழைமல ரங்கை கொளாவேத நாயக காமன்வெற்பிற்
றழைகதிர் வேலண்ண லேமட மான்மணத் தைக்குறித்திவ்
வுழையுறு வாயெனின் யாருவ வாரின் புறவெ மருண்
மழைமுகில் கண்டுவ வாதபைங் கூழெவன் மண்ணகத்தே (236)
வரையுநாளுணர்த்தல்.
4847. ஒருபா சடையிடை வெண்டா மரையென வூருற்றதேர்
தருபான் மதிநிதி போற்பூ வுதிர்க்குந் தழைக்கணிகள்
வருபா வலருண் மகிழ்வேத நாயக வள்ளல் வரை
நிருபா மணம்புரி காலமின் னேவந்து நேர்ந்ததுவே, (237)
அறிவறிவுறுத்தல் .
4848. செறிவென் பதுகொள் புகழ்வேத நாயகச் சேய்வரைப்பெண்
ணறிவென் பதுபெரும் பேதமைத் தென்பரதுமறுத்தாண்
முறிவென் பது புகு தாவே லவவெம் முலையெமர்க்கு
மறிவென் பதுகுறி யாநெறி யோதுநன் மாண்படைந்தே. (238)
குறிபெயர்த்திடுதல்.
4849. இரவல ரேத்து மதிவேத நாயக வேந்தல்வெற்பிற்
பரவலர் நல்கிய திப்பொழில் வேறொன்று பார்வடிவேற்
கரவல வேடர்கண் காணாம லேகளித் தாடவருட்
புரவல பொங்கெழி லெங்கண்மின் னாளொடு போதுகவே. (239)
பகல் வருவானையிரவு வருகென்றல்.
4850. புரவுக் கிரவு ரவமாதி நீக்கும் பொலிவினுக்கா
தரவுக் கிரவு குறிவேத நாயக தாருவெற்பில் வரவுக்
கிரவு சிதவே லவபகல் வாரற்க நீ கரவுக்
கிரவு சிறந்ததென் பாரிக் கடற்புவிக்கே. (240)
இரவுவருவானைப்பகல் வருகென்றல்.
4851. முகத்தா மரைகை யகத்தா மரையின்ப முற்றிய பொற்
பகத்தா மரையம் பகத்தா மரைபதத் தாமரைமற்
றகத்தா மரையிருளிற்பொலி யாபக லங்கடையேன்
மகத்தா மரையர் புகழ் வேத நாயக மால்வரைக்கே. (241)
பகலினுமிரவினும் பயின்று வருகென்றல்.
4852. வண்கொடி வாய்நின் றிரவிற் பொலியு மலர்கள் பல
வெண்கொடி வாவிற் பொலிமல ரும்பல வென்னின் வெற்றி
யொண்கொடி யாரணி யாயிரு போது முறவருதி
திண்கொடி யாரைச் செறும் வேத நாயகச் சேய்வரைக்கே. (242)
பகலினுமிரவினும கலிவணென்றல் .
4853. பகலிற் குவலய மாயு மலர்படு மேயிரவி
லிகலிற் கருதரி யாம்பல் சிவக்கு மிலங்கறிவு மிகலிற்
பொலிகுளத் தூர்வேத நாயக வேள்வரைப்பா லகலிற்
சொலுமிரு போது மணுகு மவர்மணமே. (243)
உரவோனாடுமூருங்குலனுமரபும் புகழும் வாய்மையுங்கூறல்.
4854. ஆர்க்குங் கொடைப்புகழ் மால்வேத நாயக வண்ணல்வெற்பிற்
போர்க்குந் திறற்பெருந் தோளாய்நின் னாட்டிற்கும் பொங்குதிரு
வூர்க்குங் குலத்திற்கு மொவ்வாக் குடிக்கு மொழிவரிய
சீர்க்கு நல் வாய்மைக்கு மேலாது நீசிந்தை செய்களவே. (244)
ஆறுபார்த்துற்றவச்சங்கூறல்.
4855. கடாவடி நென்மலை யாங்குளத் தூரன் கருதலர்வந்
தடாவடி வீழப் பொலிவேத நாயக வண்ணல்வெற்பில்
விடாவடி வேல மடமாது சோரும்வன் மீகமுற்றுங்
குடாவடி சூழ்ந்தகழ் காரிரு ணீவருங் கோளஞ்சியே. (245)
ஆற்றாத்தன்மையாற்றக்கூறல்.
4856. பூச்செறி வாணிற மால்வேத நாயக பூபன்வரைக்
காச்செறி வாள்பின்னு மிற்செறி வாளுட் கனன்று சில
பேச்செறி வாள் கை வளையெறி வாள்கனல் பெற்றநெடு
மூச்செறி வாள்விழு வாளெழு வாளெங்கண் மொய்குழலே. (246)
காவன் மிகவுரைத்தல்.
4857. படித்தலத் தேர்மலி யிற்குளத் தூரன் பகைவர்முடி
யடித்தலத் தேவைத் தருள்வேத நாயக வண்ணல் வெற்பின்
முடித்தலத் தேந்து தொடையாய் மகளை முனிந்தனையென்
மடித்தலத் தேதுயி லென்றணைப் பாடுயில் வாஞ்சையற்றே. (247)
காமமிகவுரைத்தல்
4858. விண்ணாடியமெய்ப் புகழ் வேத நாயக வேள்வரைவாய்ப்
புண்ணா டியவடி வேலண்ண லேவெளி போர்த்தவல
ருண்ணாடி மேனி யுறவாடி யுள்ள முருகு நட்குன்
கண்ணாடி யன்ன கடிமார்ப மன்றிக் கதியிலையே. (248)
கனவு நலி புரைத்தல்.
4859. நந்தனை யாநல் லருள்வேத நாயக நம்பிவெற்பி
னிந்தனை யாஞ்சொல்வ தென்னேற் றிரவிடை நீகனவில்
வந்தனை யாங்கண் வந்தனை யாமனம் வைத்து முத்தந்
தந்தனை யாம்பின்பு சென்றனை யாமென்று சாற்றுமின்னே. (249)
கவினழி புரைத்தல் .
4860. மிகையே பொருவு மிலாவேத நாயக வேள்வரைவாய்
முகையே பொருவு முலைமாது மேனி முருந்து வென்ற
நகையே பொருவும் விளர்ப்புற லானலி நுண்மருங்குற்
றகையே பொருவு மிளைப்புற லாலென்கொல் சாற்றுவதே. (250)
--------------
ஒரு வழித்தணத்தல்.
தன்பதிக்ககற்சித்தலைவன் சாற்றல்.
4861. பெருவாளை தென்னம் பழம் வீழத் தாவும் பெருநகருக்
கிருவாளை வென்ற கண் ணாயின்று சென்றிக லென்னுமிருட்
கொருவாளை யொத்த திறல் வேத நாயக வும்பல்வரைத்
திருவாளை வந்து வரைவேனங் குற்றிது செப்புகவே. (251)
பாங்கிவிலக்கல்.
4862. சொல்லத் துணிந்தனை யூர்க்கே குவலென்று சொற்ற தன்றிச்
செல்லத் துணிந்தனை வன்கண்மை பூண்டு தெறுபகையை
வெல்லத் துணிந்த விறல் வேத நாயக வேள்வரைவாய்க்
கொல்லத் துணிந்தனை யெங்களை யோநின் குறிப்பு நன்றே. (252)
தலைவனீங்கல் வேண்டல்.
4863. சற்றோர் குறையுண் டதன்பொருட் டேகித் தவாதவிரை
வுற்றோர் கணத்திலிங் கெய்துவல் யான்கலை யுள்ளவெல்லாங்
கற்றோர் புகழுங் கனவேத நாயகக் காளை வெற்பின்
மற்றோர் கருத்துளங் கொள்ளேன் மறேலொண் மடமயிலே. (253)
பாங்கிவிடுத்தல்.
4864. கொடுப்பது வேயற மேற்றாருக் கொன்று குறையுரைத்து
விடுப்பது வேமற மென்வேத நாயக வேள்வரையாய்
கடுப்பது வேயெனு மான்றேர் கடவிவெங் காற்றின் விரைந்
தடுப்பது வேமெய் யெனினேக லாநின் னணிநகர்க்கே. (254)
பாங்கிதலைவிக்கவன் செலவுணர்த்தல்.
4865. கோங்கரும் பன்ன குவிமுலை யாய்தங் குலப்பதிக்கின்
றாங்கரும் பன்ன மொழியினை யானக லேனகன்றாற்
றாங்கரும் பன்னருந் துன்புறு மேயென்றுஞ் சாற்றி நம்முள்
வாங்கரும் பன்னர்சென் றார்வேத நாயக மால்வரைக்கே. (255)
தலைவி நெஞ்சொடுபுலத்தல்.
4866. கையால் வெரிந்தை வருவாரென் கைகடங் கண்ணிலொற்றி
வையா லயிற்படை யாருவப் பார்முலை மார்பணைப்பார்
மெய்யால் விளங்கு புகழ் வேத நாயக வேள்வரைவாய்ப்
பொய்யா னிறைந்தவர் போற்பிரிந் தாரென் புகலுவதே. (256)
சென்றோனீடலிற்காமமிக்ககழிபடர்கிளவி.
4867. பொன்பொழி யார்வப் புயல் வேத நாயக பூபன்முந்நீ
ரின் பொழி யாத கரும்புன்னை காளிருங் கேதகைகா
டுன்பொழி யாய்துறை யாரின்ன ராலெனச் சொல்லுகிலி
ரன்பொழி யாமையன் றோவளி யார்க்கணி யாவதுவே. (257)
தலைவியைப்பாங்கியாற்றுவித்தல்.
4868. நாடுவ மான மிலாவேத நாயக நம்பிவெற்பி
னீடுவ மானனை யாயன்பர் தம்மூர் நெறிவரும்யாற் றாடுவ
மானன மாறா மலரு மலர்பறித்துச் சூடுவ
மான மிகப்பா வெமவர் தொல்புகழே. (258)
தலைவிக்கிறையோன் வந்தமையுணர்த்தல்.
4869. தேருங் கலைமெய்ப் புகழ்வேத நாயகச் செல்வனொன்னார்
சாருங் கவலை யடையன் மினேயஞ் சலஞ்சலநீ
ரூருங் கவின்மலி தண்டுறைச் சேர்ப்பருற் றாருணர்தி
யீருங் கணைமதன் போருங்கண் ணீரு மினியிலையே. (259)
பாங்கி தலைவனொடு நொந்துவினாதல்.
4870. கொங்கிருந் தாரணி தோள் வேத நாயகக் கோன்வரைசூழ்
பொங்கிருந் தாரணி யாண்மன்ன வாவுயிர் போற்றுபுயா
மிங்கிருந் தாமெம்மி னீங்கிய நாண்முற்று மெவ்வண நீ
யெங்கிருந் தாய்நின் மனமெங் கிருந்த தியம்புதியே. (260)
தலைவன் பாங்கியொடு நொந்துவினாதல்.
4871. யானே கியபி னடைந்ததெல் லாமுன் னணங்குநடுத்
தானே யெனுமெனுடம்பே சொலும் பலர் சாற்றலரிக்
கானே யொரு மதன் றூற்றலர் போற்றிநன் காற்றிமின்னை
மானேயெவ் வாறிருந் தாய் வேத நாயக மால்வரைக்கே. (261)
தலைவியையாற்றுவித்திருந்தவருமை கூறல்.
4872. கார்காட் டியகொடைக் கைவேத நாயகக் காளை வெற்பிற்
சீர்காட் டியநின தூர்காட் டியுநின் றிருந்தகலத்
தார்காட் டியுங்குறிச் சார்காட் டியுமொண் டடறொருவிப்
போர்காட் டியவடி வேல்விழி மாதுயிர் போற்றினனே. (262)
----------
வரைவிடைவைத்துப் பொருள்வயிற் பிரிதல்.
என்பொருட்பிரிவுணர்த்தேந்திழைக்கென்றல்.
4873. வேறாய தெவ்வரை வெல்வேத நாயக வேள் குளத்தூர்ச்
சேறாய கண்ணி முலைவிலை யாவத் திகழ்முலைக்கு
மாறாய யானை வெரிந்மேற் சுமந்து வரக்கொணர்வல்
பாறாய கான்சென் றருநிதி போய்ச்சொல் பணிமொழிக்கே. (263)
நின்பொருட்பிரிவுரைநீயவட்கென்றல்.
4874. நன்றே நவிலு நயவேத நாயக நம்பிசெம்பொற்
குன்றே புரைதிர டோளாய் நினது குலவுவர
வொன்றே யலாற்பிறி தோதே னுரைக்கின்மற் றோவியமா
மின்றே மொழியிடை நீயேசென் றோதி யெழுந்தருளே. (264)
நீடேனென் றவனீங்கல்.
4875. தவியாமன் மன்பதை யாள் வேத நாயக தாருவரைப்
புவியானை மீது நெடுவேங்கை யேற்றிப் பொருசிங்கம்போ
லவியா மணிவிளக் கன்னார் முகத்தி னலர்ந்த மலர்
குவியாமுன் யான்வரு வேன் மறுக் கேலொளிர் கோற்றொடியே. (265)
பாங்கிதலைவிக்கவன் செலவுணர்த்தல்.
4876. நன்றேயென் கோவன்றித் தீதேயென் கோவென் னவிலுவல்யான்
வென்றே புகழ் கொண்ட மால்வேத நாயக வேள் பகைவர்
சென்றே யுழல் கொடுங் கானடந் தாரன்பர் தேமொழியுன்
குன்றேய் முலைவிலை தந்துட னே மணங் கூடுதற்கே. (266)
தலைவியிரங்கல்.
4877. பிரியேன் மடமயி லஞ்சாய னின்னைப் பிரியினுயிர்
தரியே னென முனஞ் சொற்ற நல் லோர்குழை தாவியசே
யரியேன் மலர்வழி சொல்லா தகன்றதென் னாற்றும் வகை
தெரியேன் மயங்க வொருவேத நாயகச் சேய்வரைக்கே. (267)
பாங்கிகொடுஞ்சொற்சொல்லல்.
4878. வெப்பா யுலகை வளையுங் கலியழல் வீப்பதற்கோ -
ரப்பாய் முளைத்த வருள் வேத நாயக வண்ணல்வெற்பி
லொப்பா யினுமரி யாயுண ராம லுளங்கவறி
செப்பாய் பிறரை வரைவதற் கோவன்பர் சென்றதுவே. (268)
தலைவிகொடுஞ்சொற்சொல்லல்.
4879. சுரும் போதை சாறொடைத் தோள் வேத நாயகத் தோன்றலொன்னா
ரரும் போகை நீத்தடை வெங்கானி லன்ப ரடைந்ததும் வேள்
பெரும்போரி னாலெற் கடைந்தது மோர்ந்துமிப் பேச்சுரைத்தா
யிரும் போகல் லோவறி யேன்குறி யேனின் னியன் மனமே. (269)
வருகுவர்மீண்டெனப்பாங்கிவலித்தல்.
4880. போரே வெதிரு மிமையார்கண் டீக்கெதிர் பொத்திச்செல்லு
வாரே பெடையைக் கபோதஞ் சிறைநிழல் வைத்தளிக்குஞ்
சீரே யருமையை நோக்குவர் நோக்கிற் றிரும்புவரால்
வேரேய் குழலணங் கேல்வேத நாயக வேள்வரைக்கே. (270)
பருவங்கண்டு பெருமகள் புலம்பல்.
4881. புகழ்வேத நாயக வள்ளல் பண் டாரம் புகாவறிஞர்
திகழ்வேய்பொன் வாரி வருவது மானத் திரைக்கடனீ
ரிகழ்வேயின் மாமுகில் வாரி வருமிதற் கென்செய்வல்யா
னகழவே தனையுடை யேனாக வன்ப ரடைந்திலரே. (271)
இகுளைவம்பென்றல்.
4882. உண்மை யுரைப்ப னுணர்வேத நாயக வுத்தமன்றன்
வண்மை நிகர்ப்பப் பயில்வா னெழுந்து மழைபரவைத்
தண்மை நிரப்பு புனல்வா ருபுவருஞ் சங்கணிகைக்
கண்மை மலர்க்குழல் கார்கால மென்று கருதல்வம்பே. (272)
தலைம் கண்மறுத்தல் .
4883. காலந் தழீஇயபைங் காரன்று தேரென்று கட்டுரைத்தாய்
ஞாலந் தழீஇய புகழ்வேத நாயக நம்பிவெற்பிற்
கோலந் தழீஇய பசுமயி லாடும் பொன் கொன்றை நல்கு
மேலந் தழீஇய குழலாய் செங் காந்தள் கை யேற்குமின்றே . (273)
அவர் தூதாகிவந்தடைந்ததிப்பொழுதெனச்சாற்றல்.
4884. பின்னே தலைவர்கந் தேர்வரு கின்றது பேசிடரும்
முன்னே மலைவரு கார்வந்த தான் முழு நீலவுண்கண்
மின்னே குளந்தைப் பதிவேத நாயக வேள்வரைவா
யென்னே யினித்துய ரோவுதி மேவுதி யின்பத்தையே. (274)
தலைமகளாற்றல்.
4885. யானுற்ற வின்ப மவர்க்கு மிலாததன் றென்னிலென்பாற்
றானுற்ற துன்பமு மற்றாத லாலென் றளர்வொழிய
ஆனுற்ற வாருயி ரன்னார் முன் றூதிங் குறவிடுத்தார்
மீனுற்ற செய்க்குளத் தூர்வேத நாயக வேள்வரைக்கே. (275)
அவனவட்புலம்பல்.
4886. காரோ வெனுங்குழல் சோர்தர வார்தரு கண்களின்மைந்
நீரோ பெருகவவ் வெள்ளத் தழுந்தி நிலை தளராங்
கேரோதை சால்குளத் தூர்வேத நாயக வேந்தல் வெற்பி
லாரோ விரைந்து நெஞ் சேயெடுப் பார் நம் மணங்கினையே. (276)
பாகனொடு சொல்லல்.
4887. உலவா முகில் சிலை வாங்கியம் பூடுரு வப்பொழியக்
கலவாத துன்பங் கலந்து நம் மான்கலங் குந்தமிழ்க்குக்
குலவார ணந்தரு மால்வேத நாயகக் கோன் வரைப்பால்
வலவா நளனெனத் தூண்டுக தேரினி வல்விரைந்தே. (277)
மேகத்தொடு சொல்லல்.
4888. சீரானை யாநின் வரவெனக் கன்பிற் சிறந்தமயி
லோரானை யாமுலை கண்முத்தஞ் சூட வுயங்கனன்றோ
தேரானை சூழு மனை வேத நாயகச் சேய்வரையென்
வாரானை கூறி மகிழ்வியென் றேர் முன் சென் மாமுகிலே. (278)
பாங்கிவலம்புரி கேட்டவன் வரவறிவுறுத்தல்.
4889. பொங்கோதை வாரிப் புவிபுரப் போன்றெவ்வர் போற்றவெற்றி
யங்கோதை சூடு புயன் வேத நாயக வண்ணல்வெற்பில்
வெங்கோதை வேலவர் மேவின ரென்று விளங்கவர்கைச்
சங்கோதை யேநமக் கிங்கோதை யோர்திவண் டார்க்குழலே. (279)
வலம்புரிகிழத்தி வாழ்த்தல்.
4890. ஊற்றுங் கரடக் கடகளிற் றார்வர வோதியெனக்
காற்றுந் துணையிற் றுயர் தீர்த்த சங்கடைந் தார்கலியை
மாற்றுங் கமலக்கை மால்வேத நாயக மன்னவன்றன்
போற்றும் புகழிற் பொலிகவெஞ் ஞான்றும் புவியிடத்தே. (280)
தலைவன் வந்துழிப்பாங்கி நினைத்தமைவினாதல்.
4891. கொளத்தாம் வரினுண் மகிழ்வேத நாயகக் கோன் வரைப்பொன்
வளத்தா தரம்வைத் தயனாட்டிடைத்தனி வைகுழித்தேந்
தளத்தா தவிழ்குழ லெந்திரு மாது தராதிபரின்
னுளத்தா மரைமல ருற்ற துண் டோவுண்மை யோதுகவே (281)
தலைவனினைத்தமை செப்பல் .
4892. ஞாலங்கொள் சீர்த்திப் புயல் வேத நாயக நம்பிவெற்பில்
வேலங்கொள் கண்ணி மறந்தறி யேனுன் விளங்கிழைதான்
னேலங்கொள் கூந்தலுஞ் செவ்வாயும் வெண்ணகை யேர்முகமும்
கோலங்கொள் செங்கையு மென்னை முன் னாட்கொண்ட கொங்கையுமே. (282)
பாங்கி தலைவியையாற்றுவித்திருந்த அருமை கூறல்.
4893. வண்டார வாரு மதுமல ரோதியை வண்கவிஞர்
பண்டார மான கொடைவேத நாயகப் பண்பன் வெற்பிற்
றண்டார வாந்தடந் தோளண்ண லேதனி யாற்றுவித்தேன்
கண்டார வாவுறு நின்பெரு வாய்மை கடைப்பிடித்தே. (283)
------------
வரைவு மலிவு.
காதலன் முலைவிலைவிடுத்தமைபாங்கிகாதலிக்குணர்த்தல்.
4894. சிலைக்குள் நாணுமென் னாநுத லாயறஞ் சேர்தருநன்
னிலைக்குள் நாணு மெனாவேத நாயக நேயன் வெற்பின்
முலைக்குள் நாணும் பசும்பொன் வரையம் முலைக்குரிய
விலைக்குள நாணும் படிகுவித் தார்செம்பொன் வேந்தரின்றே. (284)
தலைவி நற்றாயுள்ள மகிழ்ச்சியுள்ளல்.
4895. கோனாடு வாழ வருவேத நாயகக் கோன்வரைவாய்
மீனாடு பாற்கடன் மாயோன் வரவு விரும்பியது
போனாடு மன்னை வரவெதி ரேற்றுப் புரிந்துவக்குந்
தேனாடு மாலையொ டிந்நாடு மேவுநஞ் செல்வரையே. (285)
பாங்கி தமர்வரைவெதிர்ந்தமை தலைவிக்குணர்த்தல்.
4896. மழையொளிர் மின்னிற் கரும்புன்னை மேற்படர் வண்பவளந்
தழையொளிர் தண்டுறைச் சேர்ப்ப ரளித்த தனமுழுது
மிழையொளிர் பூண்முலை யாய்நம் ரேற்றுவப் பெய்தினர்வண்
குழையொளி ரஞ்செவி மால்வேத நாயகக் கோன் வரைக்கே. (286)
தலைமகளுவகையாற்றாதுளத்தொடுகிளத்தல்.
4897. நெஞ்சே யருந்துயர் நீங்குவந் தாரன்பர் நீடுமவர்
விஞ்சேர் புகழ்பிர தாபங் களிற்றின் முன் வேள்கவிகை
நஞ்சேய் களிறு சிலை நிற்கு மோவின்ப நாம் படிவா
மஞ்சே யெனப்பொன் பொழிவேத நாயக மால்வரைக்கே. (287)
தலைவனைப்பாங்கி வாழ்த்தல்.
4898. என்னா ருயிரவ் வுயிர்க்குயி ரோடு மிடர்க்கடல்வாய்
மின்னார் மணியணி மால்வேத நாயக வேந்தனட்புத்
துன்னார் பொருவ விழுந்தழி யாதிங்குத் தோன்றியருள்
பொன்னார் கழலவர் வாழிய ரோவிப் புவியிடத்தே. (288)
தலைவிமணம் பொருட்டாக அணங்கைப் பராநிலைகாட்டல்.
4899. நன்றேய் மனமெய் மொழி வேத நாயக நம்பிசெம்பொற்
குன்றேய் முலைநின் மணம் பொருட் டாகக் குலமலர் தூய்
வென்றே பொலியு மணங்கை யிணங்க விழைந்து பராய்
நின்றே வரம்பல வேண்டு தல் காண்டி நெடுந்தகையே. (289)
பராநிலைகண்ட தலைமகன் மகிழ்தல்.
4900. நாமே மணம் பொருட் டாற்றிடத் தக்கதை நன்னுதலார்
தாமே நன் காற்றி வரம் வேண் டுவரெனிற் சாற்றுமிது
பூமேனம் புண்ணிய மோமுந்தை யோர் செய்த புண்ணியமோ
மாமேரு வென்னப் பொலிவேத நாயக மால்வரைக்கே. (290)
-----------
அறத்தொடு நிற்றல்.
கையறுதோழிகண்ணீர் துடைத்தல்.
4901. கிளியைப் பருந்துறத் தொட்டது வோபந்து கெட்டதுவோ
வொளியைச் செயுமலை வண்டலம் பாவை கொண் டோடினவோ
களியைக் கடந்தன்னை சேந்தன ளோகலுழ் காரணமென்
வெளியைப் பொருமிடை யாய்வேத நாயக வேள்வரைக்கே. (291)
தலைமகள் கலுழ்தற்காரணங்கூறல்.
4902. கனவே புகுந்து கலந்தகன் றாருருக் காணவவாய்
நனவே கருமை நறுநீல முத்த நனியுகுத்துத்
தனவேர் மலிமுத்த மாநில மாக்குவ தாருவைந்து
மனவேத நாயக மால்குளத் தூரன்ன வாயிழையே. (292)
தலைவன் தெய்வங்காட்டித்தெளிப்பத்தெளிந்தமை கூறல்.
4903. சேலுண வுள்ளி யமர்குரு கோகரி செப்புநறாத்
தாலுண வண்டர்க் கருள்கைதை யோமுன் பொய் சாற்றியதென்
காலுணர் வோர்தெய்வங் காட்டி யுரைத்தது கைதவமே
மாலுண வோரும் புகழ்வேத நாயக மால்வரைக்கே. (293)
இறைவி தலைவனிகந்தமையியம்பல்.
4904. ஆய்மொழி மாறு படாவேத நாயக வண்ணல்வெற்பிற்
றாய்மொழி வாளயற் பேய்மொழி யேதெய்வஞ் சான்றெனவுள்
ளேய்மொழி கூறி யிகந்தார் தலைவ ரெனிற்புருடர்
வாய்மொழி நம்புவ தெவ்வாறு கூறு மதிநுதலே. (294)
பாங்கி இயற்பழித்தல்,
4905. தவரே புகழும் புகழ்வேத நாயக தாருவெற்பிற்
றுவரே யிதழ்மட வாய்தெய்வங் காட்டி முன் சூளுரைத்த
வவரே விரத்தி யடைந்தவர் போலகன் றாரவரொப்
பவரே தெரியி னெவரே யுளாரிந்தப் பாரகத்தே. (295)
தலைமகள் இயற்பட மொழிதல்.
4906. திருவார் குளந்தைப் பதிவேத நாயகச் சேய்வரைவா
யொருவார் மறப்பர் கொலோவெனை யன்றி யுளத்து மற்றொன்
றிருவா ரிருவார் முலைப்பீ ரொழிதர வெப்படியும்
வருவார்வந் தின்பந் தருவார் பொருவார் வரிவிழியே. (296)
தெய்வம்பொறைகொளச்செல்குவமென்றல்.
4907. காட்டை விழுங்கும் புகழ்வேத நாயகக் காளை முந்நீர்ப்
பேட்டை யணைத்திற காலனந் துஞ்சும் பெருந்துறைவ
ரேட்டை யொழிப்பரெம் பால்வந் தின்னே பொய்ய ரென்றுளியோர்
கேட்டை யணங்கிழை யேலென்று வாழ்த்துவங் கேழ்மயிலே. (297)
இல்வயிற்செறித்தமையியம்பல்.
4908. சேரல ரஞ்சந் திறல் வேத நாயகச் சேய்வரைவாய்
வாரலர் மாமுலை யாய்தன் வயிற்றின் முன் வைத்தது போ
னாரலர் மாலை யொரீஇயெனை யோர்சிறை நாடிவைத்தா
ளூரலர் தூற்றுவ தோர்ந்தன்னை யென்னை யுஞற்றுவதே. (298)
செவிலி கனையிருளவன் வரக்கண்டமை கூறல்.
4909. கார்கொண்ட செங்கைக் கவின் வேத நாயகக் காளை வெற்பில்
வார்கொண்ட பூண்முலை யாயொழி யாது மருவவென்போ
னீர்கொண்ட கண்ணின ளல்லள்கண் டாயன்னை நேற்றிரவிற்
றார்கொண்ட தோளர் வரக்கண்டு சீற்றந் தழைத்தனளே. (299)
எறிவளை வேற்றுமைக்கேது வினாதல்.
4910. ஆடல்விட் டாடன் னணியாயங் கூடி யலர்பறித்துச்
சூடல்விட் டாளிசை பாடல்விட் டாளருந் துப்பெவையுந்
தேடல்விட் டாளின் புகழ்வேத நாயகச் சேய்வரையெற்
கூடல்விட் டாளென்னை யுற்றன ளோநங் குலக்கொழுந்தே . (300)
பாங்கிவெறிவிலக்கல்.
4911. சேலாய கண்ணிக் குயிரீ வது பொய் திருந்து பல
நூலாய நோற்ற மதிவேத நாயக நோன்மையன்கற்
பாலாய வாட்டுயிர் வாங்குவ தேமெய் பகர்வலியின்
மேலாய வெம்புலிப் போத்தென வீங்குற்ற வேலவரே. (301)
வெறிவிலக்கிய வழிச்செவிலிபாங்கியைவினாதல்.
4912. வேய்தந்த தோளியுட் டோய்தந்த நோயற மெய்த்தமிழ்க்குப்
பாய் தந்த யானை தருவேத நாயக பானுவரை
யாய் தந்த வன்பினிங் கேய்தந்த வேல்வலத் தண்ணலைநின்
வாய்தந்த கூறுத லெம்மதி யம்மதி வாணுதலே. (302)
பூத்தரு புணர்ச்சியாலறத்தொடுநிற்றல்.
4913. நன்னெடு மால்குளத் தூர்வேத நாயக நம்பி வெற்பி
னின்னெடு வேல்விழி நேர்வது நோக்கென்றொர் நிலங்கொய்து
கன்னெடுந் தோளொரு வள்ளறந் தான் முன்கை யேற்றனடன்
பொன்னெடும் பாவைக்கென் றேவண்ட லாயத்திப் பூங்கொடியே. (303)
புன்றரு புணர்ச்சியாலறத்தொடுநிற்றல்.
4914. தன்னிடை யாயவை தூண்ட வுறுப்பின் றகைகவர்வான்
மின்னிடை யாயைக் கடலலை யால்விரைந் தீர்த்திடுநா
ளென்னிடை யாயுற்ற தென்றழு தாள்விரைந் தெய்தினனோர்
மன்னிடை யாயளித் தான் வேத நாயக மாலையொத்தே. (304)
களிறுதரு புணர்ச்சியாலறத்தொடுநிற்றல்.
4915. முலைப்பகை தீரக் கருதிய தோவொரு மொய்க்களிறு
சிலைப்பகை வாணுத னேரெதிர் நாட்டெறு பாவியர்க்குத்
தலைப்பகை யாய தகைவேத நாயக தாருவொத்தோர்
மலைப்பகை யாயதிண் டோளா ரளித்தனர் வாஞ்சைவைத்தே. (305)
தலைமகள் வேற்றுமைகண்டு நற்றாய் செவிலியைவினாதல்.
4916. முலைமீது போர்த்தது பொன்கரு நீலம்வெண் முத்துகுப்ப
விலைமீ தொளிர்குழற் குற்றதென் னோவெதி ரேற்றவர் தந்
தலைமீது வைக்குங் கழல் வேத நாயக தாருவெற்பிற்
சிலைமீ தெதிர் நுத லாய்மறை யாதுண்மை செப்புகவே. (306)
செவிலி நற்றாய்க்கு முன்னிலைமொழியாலறத்தொடுநிற்றல்.
4917. உளவுற்ற தோகை பயில் வேத நாயக வும்பல் வெற்பிற்
றளவுற்ற தோவெனும் வெண்ணகை யாண்மனஞ் சார்ந்தனரீ
தளவுற்ற தோமுலை தோன்றிய தோவிலை யோவலர்க்கண்
களவுற்ற தோவிலை யோவென்னு நாள்வந்தொர் காதலரே. (307)
நற்றாய் தமர்க்கு அறத்தொடுநிற்றல்.
4918. மழையே யனையகை மால்வேத நாயக வள்ளல் வரை
யுழையே யுறைவிர் முதுக்குறைந் தாணம் மொருமகளவ்
விழையேய் முலை தன் கருத்துக் கிசைந்த விறையவனைப்
பிழையே யறத்தெரி வீர்புரி வீர்மணம் பெட்புறவே. (308)
-----------
உடன் போக்கு.
பாங்கி தலைவற்கு உடன்போக்குணர்த்தல்.
4919. சீர்முழு தும்படைத் தோன்வேத நாயகச் செம்மல் வெற்பிற்
கார்முழு துந்தெழு மைம்பான் முலைவிலை காணுமென்று
பார்முழு துங்கொடுத் தாலுங் கொடாரெமர் பார்த்திபன்
னேர் முழு துங்கொ ணகர்க்கழைத் தேகுக வின்றுவந்தே. (309)
தலைவன் உடன் போக்கு மறுத்தல்.
4920. பஞ்சிற் படினும் பதைக்குமென் பாதம் படரரிது
நெஞ்சிற்கும் வெம்பா லாரணித் தன்றென் னெடுநகரு
மஞ்சிற் பொலியுங் கொடைவேத நாயக மால்வரைவாய்
நஞ்சிற் பொலிவிழி யாளொடெவ் வாறு நடப்பதுவே. (310)
பாங்கிதலைவனையுடன் படுத்தல்.
4921, வரமே வியவுற் பவன் வேத நாயக வள்ளல் வெற்பா
சுரமே மருதங் கழுகே யெகினஞ் சுடுசெந்தழற்
றிரமே செந் தாமரை வெங்கள்ளி யேசெறி காஞ்சிசெந்நா
யுரமே திகளல் வோநின்னொ டேகினெம் மொண்டொடிக்கே. (311)
தலைவன் போக்குடன்படுதல்.
4922. அன்னோ மலரடி யோமென் மைய வெவ் வருஞ்சுரமோ
கன்னோ வுறுதழற் றொண்டமிழ் வாணர்க்குக் காசினியோ
பொன்னோ கொடுக்கும் புயல் வேத நாயக பூபன் வெற்பி
லென்னோமின் னோடு நடப்பதற் கெண்ணிய தென்மனமே. (312)
பாங்கி தலைவிக்குடன் போக்குணர்த்தல்.
4923. ஈந்தின் கனியுண்டு பாடலஞ் சூடி யியையுமகிற்
சாந்தின் புற முலை மேற்பூச வாஞ்சித்த தையல் கொலோ
வேந்தின்ப நும்மயி லென்றன்பர் கூறின ரெண்ணமென்னோ
வேந்தின் புவிக்கொரு மால்வேத நாயக வேள்வரைக்கே. (313)
தலைவிநாணழிபிரங்கல்.
4924. புறப்பே தையரினற் றாயா தியரன்பு போக்கியென்று
மறப்பே றுறா துறை நாண்போய்க் கழிவகை வாஞ்சித்தலாற்
சிறப்பே கவிஞர்க்குச் செய்வேத நாயகச் சேய்வரையெப்
பிறப்பே யடையினு மாகா தெழுமையும் பெண்பிறப்பே. (314)
கற்பின் மேம்பாடுபாங்கி கழறல்.
4925. குலத்தினு நண்பினுங் கூர்வேத நாயகக் கோன்வரையெந்
நிலத்தினு மேவு குலமா தருக்குயிர் நேயம்வைக்கு
நலத்தினு மிக்கது நாணமொன் றேயந்த நாணுங்கற்பு
வலத்தினு மிக்கதன் றான்மதி வாணுதன் மாமயிலே. (315)
தலைவியொருப்பட்டெழுதல்.
4926. குறிப்பான் மொழிநர் வெளிப்படை யாலினிக் கூறுகநன்
னெறிப்பான் மகிழ்நெடு மால்வேத நாயக நேயன்வரை
வெறிப்பா னமரைய நீங்குக வேங்குக வீங்குக்கண்
மறிப்பான் மொழியன்பர் மேல்வைத்த காதன் மனத்தெனக்கே. (316)
பாங்கிசுரத்தியல்புரைத்துழித் தலைமகள் சொல்லல்.
4927. பொறையிற் றிறலிற் குலனிற் குடியிற் புகழிற்செல்வ
நிறையிற் றெருளிற் பொலிவேத நாயக நேயன் வெற்பி
லறையிற் புறத்தள வேசுடும் பாலை யகஞ்சுடுமிற்
சிறையிற் கொடியது வோமது வோவெனுஞ் சின்மொழியே. (317)
பாங்கிகையடைகொடுத்தல்.
4928. வாங்கா வருள்வைக்கு மால்வேத நாயக மன்னன்வெற்பி
லேங்கா மெலியு மிடையிடை நீவைத்த வின்னருளுந்
தூங்கா விறலண்ண லேபிறி தாகிற் சுவையுணவு
நீங்கா மெலியு மலியுங் கருவி நெடுமுகிலே. (318)
பாங்கிவைகிருள்விடுத்தல்.
4929. பூங்கா வெனுங்குழன் மாதே யிறையொடு போதுகநின்
பாங்கா மடிதொடர்ந் தேவேத நாயக பானுவெற்பில்
வாங்கா விரைவில் வருவே னயலவர் வாயடக்கி
யேங்கா மெலியு நமருக்கு மேற்பவின் னேயிசைத்தே. (319)
தலைமகளைத் தலைமகன்சுரத்துய்த்தல்.
4930. மற்றடி யேன்சொன் முகமனென் னோவிள வல்லிநின்பொற்
சிற்றடி மெல்லப் பெயர்த்திடல் வேண்டுஞ் சினப்பகைவ
ருற்றடி போற்றப் பொலிவேத நாயக வும்பல்வரைப்
பற்றடி நீழ லிளமரக் காவின் பரிசுகண்டே . (320)
தலைமகன் பொழில்கண்டு வியத்தல்.
4931. ஏவென்ற வொண்க ணிளமயி லேயிவ் விளம்பொழிறான்
காவென் றடைநர் தருவேத நாயகக் காளையளி
யோவென் றவாவக் குளிர்நிழல் செய்யு முவந்து நம்மை
வாவென் றழைப்பது போற்கூ விடுந்துணர் மாங்குயிலே. (321)
தலைமகன் தலைமகள் அசைவறிந்திருத்தல்.
4932. காமரு கல்விக் கடல் வேத நாயகக் காளையொன்னார்
தாமரு வுஞ்சுர மாலிது நண்பகல் சார்ந்ததுநின்
பூமரு வும்பத நொந்தன வாண்முகம் போர்த்ததுவேர்
தூமரு வோதிசற் றேயிருப் பாமிந்தச் சோலையிலே. (322)
உவந்தலர்சூட்டியுண்மகிழ்ந்துரைத்தல்.
4933. மெல்லிய பாதம் வருடி முகத்து வியர் துடைத்துச்
சொல்லிய மாது கதுப்பினிற் பாடலஞ் சூட்டுதற்கு
வல்லிய தேரும் வலி வேத நாயக மால்வரையென்
புல்லிய கைசெய் தவமென்னை யோமுன் புகலரிதே. (323)
கண்டோரயிர்த்தல்.
4934. குலத்தவ ரோகை கொளும் வேத நாயகக் கோன்வரையாழ்
வலத்தவ ரோவடல் விண்ணவ ரோகடன் மண்ணவரோ
புலத்தவ ரோர்வர் நமக்கரி தேசுரம் புக்கதுஞ்சஞ்
சலத்தவ ரோவலர் மற்றது மோர்வருந் தன்மையதே. (324)
கண்டோர்காதலின் விலக்கல்.
4935. மாதுமெய் வாடின ளூரணித் தன்று வறுவழியாம்
போது செய் வோன் கட லாழ்ந்தமை யாலினிப் போக்கரிது
தீது செய் வோரைத் தெறுவேத நாயகச் சேய்வரை வாழ்
காது செய் வேலவெம் மிற்றங்கி யேகுக காலையிலே. (325)
கண்டோர் தம்பதியணிமைசாற்றல்.
4936. மீன்றோய் விழியொடு வித்தக நீயும் விலகருமிக்
கான்றோய் விலங்கல் கடந்தாற் களிப்புறக் கண்ணுறலாந்
தேன்றோய் குவளைப் புயவேத நாயகச் செல்வனகர்
வான்றோய் மதிலகழ் சூழ்குளத் தூரென்னு மாநகரே. (326)
தலைவன் றன் பதியடைந்தமைதலைவிக்குணர்த்தல்.
4937. கடத்தே நடந்து வருந்தின மென்று கருதன்மின்னே
வடத்தே யுறங்கரு மால்வேத நாயக மன்னனமர்
தடத்தே மலர்பொலி யுங்குளத் தூரிது சார்ந்தனமிவ்
விடத்தே யுறுவளங் காணுக பூணுக வின்பத்தையே. (327)
------------
கற்பொடு புணர்ந்த கௌவை.
செவிலிபாங்கியைவினாதல்.
4938. தளர்ந்ததெனாயந் தனித்ததெ னீதழைந் தூரிற்கவ்வை
கிளர்ந்ததெனங்குலக் கொம்பருக் குற்றதென் கிண்டிவண்ட
ருளர்ந்ததென் பூங்குழ லாய்வேத நாயக வும்பல்வெற்பில்
வளர்ந்ததெ னம்மின் மதிதீர் விசும்பினை மானுதற்கே. (328)
பாங்கி செவிலிக்குணர்த்தல்.
4939. வன்மன வாணமர் மாற்றார் முகநகை மாற்றுநரா
நன்மன வாடவர் தம்மண நேர்கிலர் நாடியறந்
தன்மன வாழ்வுறச் செய்வேத நாயக தாருவெற்பி
லுன்மன வாட்டமுன் னாள்சுரத் தாணின் னொருமகளே. (329)
செவிலிதேற்றுவோர்க்கெதிரழிந்துமொழிதல்.
4940. நாட்டி வளர்த்த புகழ்வேத நாயக நம்பிவெற்பி
லீட்டி வளர்த்ததென் னோதுய ரோவென்பிர் நெய்யொடு நீ
ராட்டி வளர்த்தன்பி னான்மடி யேற்றி யமுதுகுழைத்
தூட்டி வளர்த்ததற் கோபிரிந் தாளென் னொருமகளே. (330)
செவிலிதன்னறிவின்மைதன்னை நொந்துரைத்தல்.
4941. பொன்னாண் மருமப் புயல்வேத நாயக பூபன்வரை
மின்னா ணெருநல்வந் தென்மடி மேவி விழைந்துளத்தொன்
றுன்னாள் சுரமகள் யானேயென் றாளஃ துண்மையென்றே
னன்னாள் குறிப்பறி யேன் சிறியேனின் றயர் பொருட்டே. (331)
செவிலி தெய்வம் வாழ்த்தல் .
4942. எயிலோடு வாழ்குளத் தூர்வேத நாயக வேந்தல் வெற்பி
லயிலோடு மேவுகை யாய்முரு கேயென்னவர்மனைவாய்க்
குயிலோடு நேர்மொழி மேவுறக் கூட்டினின் கோயிலெதிர்
மயிலோடு வாரணச் சேவலும் விட்டன் பின் வாழ்த்துவனே. (332)
செவிலி நற்றாய்க்கு அறத்தொடுநிற்றல்.
4943. முலைதோன் றினவல பல்லுமற் றேயென் முதுக்குறைந்து
கலை தோன் றினமதி மால்வேத நாயகக் காவலன் பொன்
மலை தோன் றினவொரு காளையின் னேமகள் போயினணன்
னிலை தோன் றினவட மீனும் புகழு நிலையடைந்தே. (333)
நற்றாய்டாங்கிதன்னொடு புலம்பல்.
4944. பெருகேர் மலிகுளத் தூர்வேத நாயகப் பேகன்வரை
முருகே யனையற்கு மாலுற்ற தன்மைமுன் னேயுரையா
தருகே யிருந்து மென் பிள்ளையைப் பாவி யழலெழுந்து
திருகே மலிசுரஞ் செல்லவிட் டாயென்ன செய்தனையே. (334)
அதுகேட்டபாங்கியழுங்கல்கண்டு நற்றாய்புலம்பல்.
4945. தானே தனையொப் பவன் வேத நாயக தாருவெற்பில்
யானே துரைப்ப லழுங்சே லறனின் றடுநிலம் வீழ்
மீனேய் பவண்முக வாட்டமன்றா லென் விழிவெதுப்பன்
மானேநின் பொன்முக வாட்டமன் றோவென்னை வாட்டுவதே. (335)
நற்றாய் பாங்கியர் தம்மொடு புலம்பல்.
4946. வரிக்குங் குமமுலை யீரிளம் பார்ப்பை வருடி வெயில்
பரிக்குங் கழுகு பதைத்தாங் கணைக்கும் பரற்கடுங்கான்
பிரிக்குந் தகையொ ரயலான் பின் சென்றனள் பேதை துய
ரிரிக்குந் தகைய ரெவர்வேத நாயக வேந்தலொத்தே. (336)
நற்றாய் அயலார்தம்மொடு புலம்பல்.
4947. அன்பே வளர்க்கு நயவேத நாயக வண்ணல்வெற்பில்
வன்பே தவிர்ந்த மனப்பேதை யீரென் வருந்தலென்பீ
ரின்பே யுளங்கொண் டரு நோன்பு நாளு மியற்றியறாத்
துன்பே யுதரஞ் சுமந்து பெற் றேனினிச் சொல்வதென்னே. (337)
நற்றாய் தலைமகள் பயிலிடந்தம்மொடு புலம்பல்.
4948. அனையே யனைய வருள்வேத நாயக வண்ணல்வரைச்
சுனையே கருந்தினை யேய்புன மேமலர்ச் சூழ்பொழிலே பு
னையேர்செய் மஞ்சனச் சாலை செவிலி பொலிமடியென்
மனையேயொத் தீரென் னுரைத்தாள் செல் போதம் மனையுமக்கே. (338)
நிமித்தம் போற்றல்.
4949. தென்னே புயலளக் குங்குளத் தூரன் செழும்புவியே
பொன்னே தமிழ்க்குத் தருவேத நாயக பூபன்வெற்பி
லுன்னேய மார்விழி போற்கொடி யேமெய்யு ளொன்றுடையா
ரின்னே வரக்கரைந் தாலிடு வேன் பலி யெற்றைக்குமே. (339)
சுரந்தணிவித்தல்.
4950. முகமாதி யான் முண் டகம்வாடச் செய்தது முன்னற்கவம்
பகமாதி யானின் னொழிவோர்ந் துவப்பதைப் பாற்றியதே
தகமா திவாகர வோர்ந்தழற் கான்றண் ணெனப்புரியென்
மகமா தினாவொழிப் பான்வேத நாயக மால்வரைக்கே. (340)
தன்மகண்மென்மைத்தன்மைக்கிரங்கல்.
4951. பரல்செறி கானதி லோங்குமென் கோங்குமப் பஞ்சுமஞ்சும்
விரல்செறி மெல்லடி யெங்ஙன மாற்றுமவ் வெம்பரல்பே
ருரல்செறி காற்களிற் றான் வேத நாயக வும்பல் வெற்பிற்
குரல்செறி மென்மொழி யாளென்ன ளாயுயிர் கொண்டுறுமே. (341)
இளமைத்தன்மைக்குளமெலிந்திரங்கல்.
4952. பல்லோ முளைத்தில் வாயோ வினுமுலைப் பான்மணக்குஞ்
சொல்லோ குதலை நடையோ குறிது துணர்த்தருவோ
செல்லோ வெனுங்கைத் திறல் வேத நாயகச் சேய்வரையுட்
கல்லோ வென நடந் தாய்மக ளேகொடுங் கானெறியே. (342)
அச்சத்தன்மைக்கச்சமுற்றிரங்கல்.
4953. நனைவாய் பொழிற்குளத் தூர்வேத நாயக நம்பிவரை
மனைவா யடுபுலிப் பார்வைக்கு மஞ்சு மகள் பரல்வெந்
நுனைவாய் கடத்து முழங்கா வெதிர்புலி நோக்குபுவே
தனைவாய்நின் றஞ்சுமென் றேபாவி யேனச்சந் தாங்கினனே. (343)
கண்டோரிரக்கம்.
4954. மெய்யோ மெய்யாய தெனும் வேத நாயக வேள்வரைவாய்ப்
பொய்யோ வெனுமிடை நீத்தா ளவளை முன் போற்றியதைக்
கையோ பிசையவொண் கண்ணோ கலுழக் கவன்றுகவன்
றையோ வெனாதுறு மோபெற்ற பாவி யகங்குழைந்தே. (344)
செவிலி ஆற்றாத்தாயைத்தேற்றல்.
4955. மாணார் நகைக்குநின் பேணாத் துயருக்கு மண்ணிடுவேன்
சேணார் விரும்பு புகழ்வேத நாயகச் சேயையொப்பான்
பூணா ரடியொன்றற் குட்பட்ட தாய்ந்துநின் பொன்னைத்தந்தே
யேணா ரயிற்கணன் னாய்வருந் தேலி தெளிதெனக்கே. (345)
ஆற்றிடைமுக்கோற்பகவரைவினாதல்.
4956. ஒருதேவ னீரடி முப்போது மோர்ந்துர னாலொரைந்தும்
பொருதேயிவ் வாறு செல் வீரேழ் வளையெட்டும் போற்றுமொன்பான்
கருதேர் மணிக்குளத் தூர்வேத நாயகக் காளைவரை
வருதே மொழியின்பத் தோர்கா வலன்பின் மருவினளே. (346)
மிக்கோரேதுக்காட்டல்.
4957. இரையும் புனற்குளத் தூர்வேத நாயக வேந்தல் வெற்பிற்
றிரையுந் தழற்கடத் தென்னோ நடந்துமெய் தீந்தனையிவ்
வுரையுஞ் சொலத்தகு மோவுண ராய்கொ லுலகியன் முன் வரையுந்
திரையுந் தொடர்ந்ததுண் டோசிவன் மாயனையே. (347)
செவிலி எயிற்றியொடு புலம்பல்.
4958. ஆயுங் கலை நுண் மதிவேத நாயக வண்ணல்வரை
யேயுங் கொடும்புலிப் பற்றாலி பூண்ட வெயின் மகளே
தாயுந் தளரத் தளரா மனத்தயற் சார்பு கொண்டோர்
தேயுங் கொடியிடை சென்றன ளோவித் தெறுநெறியே. (348)
செவிலிகுரவொடு புலம்பல்.
4959. அன்பாவை யம்புரப் போன்வேத நாயக வண்ணல்வெற்பிற்
றன்பாவை நீத்தயற் சார்பே தழீஇயிங்குச் சார்ந்தவட்கு
நின்பாவை நல்கினை யோசெல்ல லென்று நிகழ்த்தினையோ
வென்பாவைக் கென்னசெய் தாயளி யோடொளி ரீர்ங்குரவே. (349)
சுவடுகண்டிரங்கல்,
4960. எதிர்வந்த வெய்ய தரக்கடி யாங்கவை யீங்கிவையோ
வதிர்வந்த நெஞ்ச மிலாதடு காளை யடி புவியிற்
கதிர்வந்த தென்னப் பொலிவேத நாயகக் காளை வரை
வெதிர்வந்த தோளடி யூங்குவை யேலென் விளம்புவதே. (350)
செவிலிகலந்துடன் வருவோர்க்கண்டு கேட்டல்.
4961. மாறா மகிழ்ச்சியுற் றேனுமைக் கண்டு மதனிரதி
வேறா விவரையல் லாதென வேவரு வீர்பகைஞ
ரேறா மெனவளர் மால்வேத நாயக வேந்தல்வரைத்
தேறா வொருத்தி யொருவனிவ் வாறுறச் சென்றனரே. (351)
அவர்புலம்பறேற்றல்.
4962. அன்னாயிம் மான்கண்ட மானுமற் றியான் கண்ட வண்ணலுஞ் சொன்
முன்னாய் தருகுறிப் பானுணர்ந் தேபொன் முகந்தளிக்கு
மன்னாய் வளரும் புகழ்வேத நாயக மால்குளத்தூர்
நன்னா யகமெனச் செல்வாரிந் நேர நலிவின்றியே. (352)
செவிலி புதல்வியைக்காணாது கவலைகூர்தல்.
4963. பொன்மகள் வாழ்குளத் தூர்வேத நாயக பூபன்வெற்பி
லென்மகள் வந்தன ளோவெனுந் தாய்க்கினி யென்னுரைப் பேன்
கன்மகள் கேள்வ னுதற்றீயுந் தீக்குமிக் கானடந்த
வன்மகள் யான் மகட் காணாமை யானின்று வாடுவனே. (353)
-----------
மீட்சி
தலைவிசேணகன்றமை செவிலித்தாய்க்குணர்த்தல்.
4964. ஏய்ப்புகு மாறு பொலிவேத நாயக வேந்தல் புகழ்
போய்ப்புகு மாநில மெல்லாந் துருவிப்புக் கேனயலார்
மாய்ப்புகு மாநகை மாறக்கண் டேனலன் மாதைவலி
தாய்ப்புகு வேலவன் கொண்டு சென் றான் மகிழ் தன்மனைக்கே. (354)
தலைவன் தம்மூர் சார்ந்தமை சாற்றல்.
4965. மதுவிதழ் நீர்க்குளத் தூர்வேத நாயக வள்ளல்வரை
யாதுவித ணேறித் தழல்கொடு நீகிளி யாய்ந்த புன
மிதுவித மாகமுன் யான் வந்து நிற்கண்ட வீர்ம்பொழிறா
னுதுவிதழ் கோவையொப் பாயடைந் தாநம் தூரகத்தே. (355)
தலைவி முன்செல்வோர் தம்மொடுதாம்வரல் பாங்கியர்க்குணர்த்திவிடுத்தல்.
4966. துடிப்பகை யாய மருங்குனல் லீர்கவி சொல் புலவர்
மிடிப்பகை யாய விறல் வேத நாயக வேள்வரைவாய்க்
கடிப்பகை யாய கரிசுமில் லானொடு கான்கடந்திப்
படிப்பகை யாயவள் வந்தா ளெனச்சொலும் பாங்கியர்க்கே. (356)
முன்பு சென்றோர் பாங்கியர்க்குணர்த்தல்.
4967. வண்டோகை கொள்ளு மதுமலர்க் கூந்தலும் வாகையந்தார்
திண்டோள் புனையுமொர் செம்மலு மாலுந் திருவுமொத்துத்
தண்டோ டலர்தொடை யான்வேத நாயக தாருவெற்பிற்
கண்டோமின் னேவரக் காரிகை யீருங்கள் காதல் கொண்டே. (357)
பாங்கியர் கேட்டு நற்றாய்க்குணர்த்தல்.
4968. தாயே யுவகைகொணீயினி தாற்று தவமும் பழு
தாயே குறுங்கொன் மணவாள னோடுநம் மன்னமொன்னார்
வாயே யடங்கிட வந்தா ளெனச்சிலர் வந்து சொற்றார்
கூயேவ றெவ்வரைக் கொள்வேத நாயகக் கோன்வரைக்கே. (358)
நற்றாய் கேட்டு அவனுளங்கோள் வேலனைவினாதல்.
4969. தெளியாமை யானொன்று கேட்கலுற் றேனுரை திண்புவியை
யளியாமை போற்பரிப் போன் வேத நாயக வண்ணல்வெற்பிற்
களியாமை யுண்க ணொடுசுரம் போய்வரு காளைமின்னை
யொளியாமை யேயென்னி லோதன்னி லோவுய்க்கு மொள்ளியனே. (359)
------------
தன்மனை வரைதல்.
நற்றாய்மணனயர்வேட்கையிற் செவிலியை வினாதல்.
4970. செந்தா மரையி லனப்பேட்டை வீநடுச் சேவல்செய்யு
நந்தா மணக்குளத் தூர்வேத நாயக நம்பிவெற்பிற்
பந்தார் முலையை மில்வாய் மணஞ்செய்து பார்க்கவள்ளற்
றந்தாட் குணர்த்திடு வாம்வடு வாம்விழித் தார்க்குழலே. (360)
செவிலிக்கு இகுளைவரைந்தமையுணர்த்தல்.
4971. விருந்துக்கட் கூட்ட விரும்புநற் றாய்க்கென் விளம்புதும்யாம்
பொருந்துகட் கூந்தலன் னாய்வேத நாயக பூபன்வெற்பில்
வருந்துகட் கூறிறம் மிற்கிளை நாப்பண் வரைந்தனர்செம்
பருந்துகட் கூண்செயம் பாரென்று தூதர் பகர்ந்தனரே. (361)
வரைந்தமை செவிலிநற்றாய்க்குணர்த்தல்.
4972. நங்கண் ணிரம்பத் தவம்புரி யாமையி னாடுமன்னாய்
வெங்கண் ணிரம்பு தொடைவேத நாயக வேள்குளத்தூ
ரங்கண்ணி மாதை முரசங் கிளையொடு மார்ப்பவவர்
தங்கண்ணி சூட்டி வரைந்தன ராஞ்சிலர் சாற்றினரே (362)
தலைவன் பாங்கிக்குயான் வரைந்தமை நுமர்க்கு இயம்புசென்றென்றல்.
4973. வெற்பே புரையிளங் கொங்கைநின் மங்கையை மெல்லியலாய்
பொற்பே மலியும் புகழ்வேத நாயக பூபன்வரைக்
கற்பே ரருமதில் சூழ்குளத் தூரெங் கடிமனையா
மற்பே பொலிமணஞ் செய்தா நுமர்க்கி தறைதியின்றே. (363)
உடன் போக்கிடையீடு
பாங்கிதானது முன்னே சாற்றிய துரைத்தல்.
4974. மன்னும் புகழிற் பொலிவேத நாயக மால்குளத்தூ
ரென்னும் பதிநின் மனைவாய் மணநீ யியற்றியது
பன்னுஞ் சிலவர்தம் வாயு முரசுமென் பாவைகளப்
பொன்னும் புகல வுணர்ந்து முன் னேபுகன் றேனனைக்கே. (364)
----------
உடன் போக்கிடையீடு.
நீங்குங்கிழத்திபாங்கியர் தமக்குத்தன் செலவுணர்த்திவிடுத்தல்.
4975. தேனாறு பாய் தொடைத் தோள் வேத நாயகச் சேய்விலங்கற்
கானாறு மேவிய காரிகை யீருங் களுக்கறமுண்
டானாறு பூங்குழற் பாங்கியர் பாற்சென்றும் மாயிழையோ
ரூனாறு வேலவன் பின்படர்ந் தாளென் றுரைத்திடுமே. (365)
தலைமகடன் செலவுஈன்றாட்குணர்த்திவிடுத்தல்.
4976. அளியொன்று தார்ப்புய மால்வேத நாயக வண்ணல்வெற்பிற்
றெளியொன்று மாதவத் தீர்தொழு தேனருள் செய்திந்தவாற்
றுளியொன்று சேரியுற் றெற்பயந் தாளுயங் காமலொரு
களியொன்று காளை பின் யான்விழைந் தேகல் கழறுமினே. (366)
நற்றாய்க்கு அந்தணர்மொழிதல்.
4977. திருமகணின்னி லுறமட வாய் நலஞ் சேருகநின்
னொருமக ளஞ்சு மகளா கிலள்சுரத் தூடுவென்றிப்
பெருமக டங்கு புயத்தொரு காளை பின் னேகினண்மான்
மருமகண் மன்னு செவ் வாய் வேத நாயக மால்வரைக்கே. (367)
நற்றாய் அறத்தொடுநிற்றலிற்றமர்பின் சேறலைத்தலைவிகண்டு தலைவற்குரைத்தல்.
4978. சீரே யவாவு திறலண்ண லேபசுஞ் செந்தமிழே
தாரே புனைபுய மால்வேத நாயக தாருவெற்பி
லாரே தடுப்பவர் யானென்செய் கேன்வில்லு மம்புங்கொண்டு
காரே யெனவளைந் தார்கொடுங் கானடுங் கானவரே. (368)
தலைமகளைத்தலைமகன் விடுத்தகறல்.
4979. தன்னேரிலாத தமிழ்வேத நாயக தாருவெற்பிற்
பொன்னேயஞ் சேல்கை நெரியே லயலவர் போரெனினின்
முன்னே யடுகணை யொன்றால்வெல் வேனென் மொழிவதவர்
பின்னே நடந்தருள் யானே குவனென் பெருநகர்க்கே. (369)
தமருடன் செல்பவள் அவன் புறநோக்கிக்கவன் றரற்றல்.
4980. கூற்றேற்ற போதும் புறங்காண்ப வன்படை கொண்டுசினந்
தாற்றேற்ற வர்க்குப் புறங்கொடுத் தானம ராதலின் மண்
சாற்றேற்ற மிக்க புகழ்வேத நாயக தாருவரை
யேற்றேற்ற நம்பெரு மான்பரி வாவது ளெண்ணரிதே. (370)
--------------
வரைதல்.
சென்றோன் மீண்டு வந்து அந்தணரையும் சான்றோரையுமுன்னிட்டு
வரைந்து கொண்டுழிக்கண்டோர்மகிழ்ந்து கூறல்.
4981. மண்பெற்ற சங்க நிதிவேத நாயக மன்னன் வெற்பிற்
ரண்பெற்ற வாழித் தரைவாயிவ் வாறெவர் தாம் புரிந்தா
ரெண்பெற்ற விவ்வணஞ் செய்தாரென் பாருமிங் கில்லையிரு
கண்பெற்ற பேறடைந் தாம்வள்ளன் மாமணங் கண்ணுற்றின்றே. (371)
இல்வாழ்க்கை.
தலைவன் தலைவி முன்பாங்கியைப்புகழ்தல்.
4982. பரவுற்ற சீர்க்குளத் தூர்வேத நாயக பானு வெற்பி
லரவற்ற வல்குலிவ் வாயிழை யாரின்பம் யானடைய
வுரவுற்ற மாமுலை நீயன்பிற் செய்த வுதவிக்கென்னோ
விரவுற்ற யான் செய்வ தென்செய்யு மேபுவி விண்முகிற்கே. (372)
தலைவனைப்பாங்கி வாழ்த்தல்,
4983. அடித்தொழில் செய்யு மெனக்கோ முகம னறைவதண்ணான்
மிடித்தொழி றீர்குளத் தூர்வேத நாயக வேள்வரைவாய்க்
கடித்தொழி லாற்றிய சீரிய நீயுமிக் காரிகையுங்
குடித்தொழி லாற்றி நெடுநாளும் வாழ்க குவலயத்தே. (373)
பாங்கி தலைவியை வரையுநாள்ளவும் வருந்தாதிருந்தமையுரையாயென்றல்.
4984. பூமான் வளர்குளத் தூர்வேத நாயக பூபன்வரைக்
கோமான் றனைப்பிரி யாதுறை வாயின்று குன்றுதலி
றீமான் கடுங்கடம் பொன்றரு வான் முனஞ் சென்றருள்போ
தேமான் விழியணங் கேயெங்ங னாற்றி யிருந்தனையே. (374)
பெருமகளுரைத்தல்.
4985. அணிமாலை யொக்கு மருள்வேத நாயக வண்ணல் வெற்பென்
பிணிமாலை யென்னும் பெருகிருண் மூடப்பெய் தேன்மழையைத்
தணிமாலை யோதிநல் லாயன்பர் தாமுன்பு தந்தருள்செம்
மணிமாலை யேசெங் கதிர்மாலை யாயதை மாற்றியதே. (375)
பாங்கி தலைவனை வரையுநாளளவும் நிலைபெறவாற்றிய நிலைமை வினாதல்.
4986. சீர்மண முற்றுறு முன்னர் நுந் தோளெந் திருந்திழை பொன்
வார்மண முற்ற முலை நீத்தெவ் வாறு மருவினபைந்
தார்மண முற்ற புயவேத நாயக தாருவெற்பிற்
போர்மண முற்றவொள் வேல்வல னேந்தும் புரவலரே. (376)
மன்றன்மனைவருசெவிலிக்கு இகுளையின் புறவுணர்த்தல்.
4987. பிரியா ருமையு மவள் கோனு மேயென்றல் பேதைமையே
யரியார் மலர்க்கணன் னாயென்சொல் கேனன்ன மன்னமின்னும்
வரியார் கழல்வள்ள லும் வேத நாயக மால்வரையும்
டரியார் கணமுமின் பெய்துவ ரீதுன் றவப்பலனே. (377)
இல்வாழ்க்கை நன்றென்று பாங்கி செவிலிக்குரைத்தல்.
4988. வளமுற வாழ்குளத் தூர்வேத நாயக வள்ளல் வெற்பி
னளமுற வட்டும் விருந்தோ டிறை நயக் கப்படைத்துந்
தளமுற வார மளியுற்றுங் கொண்கன் முன் றான் விழித்து
முளமுற விங்ஙன் மனைவாழ்க்கை நீடின ளுன்மகளே . (378)
மணமனைச்சென்றுவந்தசெவிலிபொற்றொடிகற்பியன ற்றாய்க்குணர்த்தல்.
4989. திருந்துதி வாகர னேர்வேத நாயகச் சேய்வரைய
மருந்துதி தீரிள வேய்த்தோளன் னாய்நின் மனத்துவகை
பொருந்துதி நின்மகள் கற்போர்ந் து தீசிப் புலத்தொருமீ
னருந்துதி செய்வத னாலதற் கப்பெய ராயினதே. (379)
நன்மனைவாழ்க்கைத்தன்மையுரைத்தல்.
4990. அமரா வதியு மளகா புரியுமொன் றாகி மண்மேல்
அமரா வதிவது : நேருமன் னாய்கலி யாற்புரியும்
அமரா வதியக் குறாவேத நாயக வண்ணறன்னே
யமரா வதிகஞ் செறிவரை நம்மனை யம்மனையே. (380)
செவிலி நற்றாய்க்கிருவர் காதலையுமறிவித்தல்.
4991. கற்றோ ரிடத்து மகிழ்வேத நாயகக் காளை வெற்பி
லுற்றோ ரிடத்துறை வோரெனத் தானு முணர்ந்ததுவோ
பற்றோ ரிடத்துப் படரினு மாதுறை பாடன்றியே
மற்றோ ரிடத்துநில் லாதிறை யூரு மதகயமே. (381)
--------------
பரத்தையிற் பிரிவு.
காதலன் பிரிவுழிக்கண்டோர் புலவிக்கேதுவிதாமவ்விறைவிக்கென்றல்.
4992. பாடல் விளைக்கும் புகழ்வேத நாயக பானுவெற்பி
னீடல் விளைக்குங் குழற்பொது மாதர் நிரம்புசதி
யாடல் விளைக்கும் வயலூரற் கோகை யது கதுவு
மூடல் விளைக்குமொர் காரண மாமதி யொண்ணுதற்கே. (382)
தனித்துழியிறைவிதுனித்தழுதிரங்கல்.
4993. தோட்டொடு மோதும் விழிமாதர் சூட்டு தொடையறமிழ்ப்
பாட்டொடு சூடும் புயவேத நாயக பானுவெற்பிற்
பேட்டொடு சேவன் மகிழ்வய லூரன் பிரிந்தனனற்
காட்டொடு மேலம் புலிவேடன் பாலெனைக் காட்டியின்றே. (383)
ஈங்கிதுவென்னெனப்பாங்கி வினாதல்.
4994. புரியா வெவரு மகிழ்வேத நாயக பூபன்வெற்பிற்
பரியா வினிய வமுதயில் போதும் பசித்துயரோ
விரியா நிறைதண் புனல்வய லூரன் விழியிமைபோற்
பிரியா திருக்கவு மென்னோ வருந்துதல் பெண்ணரசே. (384)
இறைமகன் புறத்தொழுக்கிறைமகளுணர்த்தல்,
4995. தெளிநீர் கொளாதடன் மேதி கலங்க றிளைத்தருந்து
மொளிநீர் நகுவய லூரனிந் நாளென்னை யொண்சுகுண
வளிநீர்மை பூண்ட புயல்வேத நாயக வண்ணலுள்ளா
வெளி நீர ரிற்கரு திப்பொது மாதரின் பெய்துவனே. (385)
தலைவியைப்பாங்கிகழறல்.
4996. வெற்பாகு திண்ணிய தோள் வேத நாயக வேள்வரைவாய்ப்
பொற்பாகு மக்கள் பொலிய மனையறம் பூண்டுவிருந்
தற்பாகு சிந்தையி னோம்ப லலாலன்ப ராசுரைத்தல்
கற்பாகு மோகுல மாதர்க்கு மேதகு காரிகையே. (386)
தலைவி செவ்வணியணிந்து சேடியை விடுத்துழி அவ்வணி
யுழையர்கண்டு அழுங்கிக்கூறல்.
4997. நனைந்தன பேரருண் மால்வேத நாயக நம்பிவெற்பி
லினைந்தறி யார்பொருட் டில்லா திகழ்பவரின் முனிவள்
வனைந்தசெஞ் சாந்து மலருங் கலனும் வயங்குப்பட்டும்
புனைந்தடி வைப்பதென் னாமிது வோரும் பொலிவென்பதே. (387)
பரத்தையர்கண்டுபழித்தல்.
4998. நல்லார் பலரும் புகழ்வேத நாயக நம்பிவெற்பில்
வில்லார் நுதலி யுறுப்பொன்று சேந்த விதந்தவனும்
பல்லாரு மோரும் படி குறித் தோவிப் படர்மறுகி
லெல்லா வுறுப்புஞ் சிவந்தடைந் தாளிவ் விளங்கொடியே. (388)
பரத்தையருலகியனோக்கிவிடுத்தல்.
4999. அடுத்தே மென்பாருக் கருள்வேத நாயக வண்ணல்வெற்பில்
வடுத்தே மலர்விழி பூத்தன ளாலுண் மகிழ்கிளைசூ
ளுடுத்தே யொளிர்பவ பன்னிரு நாளு முனக்குவிடை
கொடுத்தே மவணுற் றயனா ளுதயங் குறுகெமிற்கே. (389)
தலைவன் வரவுகண்டுவந்து வாயில்கண் மொழிதல்.
5000. சேப்புற்ற தாமரைக் கைவேத நாயகச் செம்மல்வெற்பிற்
கோப்புற்ற பொன்விலை மாதரி னீங்கிக் கொடியிடையாள்
பூப்புற்ற தோர்ந்துடன் மீண்டமை யாற்றண் புனலுலகங்
காப்புற்ற வூர ருலகிய லோர்ந்த கருத்தினரே. (390)
தலைமகன் வரவுபாங்கி தலைவிக்குணர்த்தல்.
5001. மழையுட் கருது கொடைவேத நாயக வள்ளல்வெற்பி
லுழையுட் கருது விழியாய் தலைவருற் றாரவர் தம்
பிழையுட் கருதுவ தன்றா லெதிர்சென்று பேணிப்பணிந்
தழையுட் கருது சினந்தீ ரடித்தொழி லாற்றுகவே. (391)
தலைவனைத்தலைவி எதிர்கொண்டு பணிதல்.
5002. காமரு வுங்கைத் தலவேத நாயகக் காளைவெற்பி
லேமரு வுங்கட் பொதுமா தருமுள்ளியைந்தனரோ
மாமரு வும்பத மிங்குற வும்மனம் வந்ததுவோ
பாமரு வும்புக ழீரிது சாலுமென் பாக்கியமே. (392)
புணர்ச்சியின் மகிழ்தல்.
5003. சூலாய மேக நிகர்வேத நாயகத் தோன்றல் வெற்பிற்
சேலாய கண்ணி சிறப்பிற் றருமின்பஞ் சிற்றின்பமோ
மாலாய வின்ப மிதனினு மண்மிசை மற்றுமொன்று
மேலாய தென்பவர்க் கொள்ளறி வேயன்று வெள்ளறிவே. (393)
வெள்ளணியணிந்து விடுத்துழித் தலைமகன் வாயில் வேண்டல்.
5004. புள்ளணி தொங்கற் புயவேத நாயக பூபன்வெற்புன் (நெஞ்
வெள்ளணி கண்டடைந் தேனுடைந் தேனென் மிகுபிழை
சுள்ளணி யாக்கிப் புலந்தணங் காம லுவப்பநறுங்
கள்ளணி கூந்தற் குரைவரை நேருங் கதிர்முலையே. (394)
தலைவிநெய்யாடிய திகுளைசாற்றல்.
5005. வலம்புரி முத்த முயிர்த்தாங் கிறைவி மகவுயிர்த்து
நலம்புரி வாசநெய் யாடின ளாலின்று நாவலர்தங்
குலம்புரி நேரில் கொடைவேத நாயகக் கோன்வரைமட்
லம்புரி தோளண்ண லேயெண்ண லேது புகல்வதற்கே. (395)
தலைவன் தன்மானத்துவகை கூர்தல்.
5006. பூணும் படிமையர் சொல்வேத நாயக பூபன்வெற்பின்
மாணும் படிநன் மகவேந்து கையும் வரையருவி
நாணும் படியெழு கொங்கையும் பாலு நரம்பின்பைப்புங்
காணும் படியெத் தவஞ்செய்த வோவிரு கண்களுமே. (396)
தலைவிக்கு அவன்வரல் பாங்கிசாற்றல்.
5007. நன்மே லவர்புகழ் மால்வேத நாயக நம்பிவெற்பில்
வன்மே லடர்முலை யாயன்பர் நம்மனை வாயில் வந்தார்
நின்மேல் வெறுப்புற் றகல்பவ ராயினு நீ பயந்த
பொன்மேல் வெறுப்புற் றகல்வர்கொ றண்ணியர் புண்ணியரே. (397)
தலைவியுணர்ந்து தலைவனொடு புலத்தல்.
5008. நல்லோர் புகழ்நண்ப மால்வேத நாயக நம்பிவெற்பிற்
சொல்லோர் மழவுண் டுமிழ்முலைப் பான்மணஞ் சூழ்ந்தது மெய்
யில்லோரின் வாடுத லென்கலை தீண்டுத லென்கைவிடு
பல்லோ ரிடத்தும் பயின்ற தன் றேயுடல் பாவியற்கே. (398)
தலைவிபாணனை மறுத்தல்.
5009. நன்பால் வளர்க்கும் புகழ்வேத நாயக நம்பிவெற்பி
னின்பான்மெய் யன்புடை யாரூர ரென்றிங்கு நீ சொல்வதென்
மின்பா னறுமுல்லை விற்பா ரிடங்கள்ளி வீவிற்கின்றாய்
வன்பான் மனப்புலைப் பாணாசெலிம்மனை வாயில் விட்டே. (399)
வாயின்மறுக்கப்பட்டபாணன் கூறல்.
5010. மற்கொண் டெறிதிண் புயத்தா னிமித்தஞ்செவ் வாயிற்கடுஞ்
சொற்கொண் டெறிந்த தடியேற்குப் போதுந் துறுகலியைப்
பொற்கொண் டெறியும் புயல் வேத நாயக பூபன்வரைக்
கற்கொண் டெறியற்க வெம்பெரு மாட்டி கறுத்துநின்றே. (400)
விறலிவாயின் மறுத்தல்.
5011. செய்யேந்து வான்குளத் தூர்வேத நாயகச் செம்மல் வெற்பின்
மெய்யேந்து மூரர்மெய்யன்பின ரேசொல்ல வேண்டுங்கொலோ
பையேந்து மண்மிசைப் பாடி யெலாஞ் சென்று பாடியிரு
கையேந்தும் பாண்மக ளேதுக ளேயினின் கட்டுரைக்கே. (401)
பாங்கிவாயின் மறுத்தல்.
5012. மீன்றவழ் நீர்குளத் தூர்வேத நாயக வேள்வரைவாய்த்
தேன்றவ ழோதி யருமருந் தன்ன சிறுகுழவி
தான்றவ ழின்பம் வெறுத்தார் பரத்தையர் தங்கண் முலை
கான்றவழ் மார்புடை யூரர்க்கிங் கேயென்ன காரியமே. (402)
விருந்தொடுவந்துழிப் பொறுத்தல் கண்டிறையோன் மகிழ்தல்.
5013. பெரும்போது நீர்குளத் தூர்வேத நாயகப் பேகன்வெற்பிற்
கரும்போது மென்மொழி யார்விழி வாய்விலைக் காரிகையா
ரரும்போது கொங்கை யவாய்ப்பல நாளமர்ந் தாலுமனை
வரும்போ தொருவிருந் தோடுவந் தாற் செம்மை மாறிடுமே (403)
பள்ளியிடத்தழுங்கல்.
5014. பழியா வளனிற் பொலிவேத நாயக பானு வெற்பி
லொழியாத தண்ணளி யாமோ மயங்கொரு வேற்கமிர்த
மொழியாது மின்றி முகங்கவிழ்த் தேயொரு முச்சுடர்க்குங்
கழியா விருளை விரித்துக் கழியிருள் காட்டியதே. (404)
சீறேலென்றவள் சீறடி தொழுதல்
5015. மான் மேற் பொலியும் வளவேத நாயக வள்ளல் வெற்பில்
வேன் மேற் பொலிகண் விளங்கிழை யேயிவ் வெகுளியெவன்
யான் மேற் பிழைபுரி யேன்பிரியேனின் னனிச்சம்வென்ற
கான் மேற் பணிவல் பொறுத்தாள வேண்டுங் கடனுனக்கே. (405)
இஃதெங்கையர் காணினன் றன்றென்றல்.
5016. பூணினன் றோளிற் புயல் வேத நாயக பூபனகர்
நாணினன் றோல்வியு முற்றேன் குற் றேவ னயப்பவர்தா
மேணினன் றோமிலற் கென்னுற்ற தென்பரிஃதெங்கையர்கண்
காணினன் றோபிழை மூளுமென் றேயுட் கலங்குவனே. (406)
பரத்தையிற்பிரிவு.
அங்கவர்யாரையுமறியேனென்றல்.
5017. விறலிய றோள்வலி மால்வேத நாயக வேணகர்வாய்ப்
பறலியல் வாவற் றகுதி யுளேனவன் பாயிருளோ
டறலிய லோதி யணங்கே கறுப்ப தழகிதன்று
திறலியல் சீயஞ் சிறுதேரை யூனிரை தேர்வதுண்டே. (407)
காமக்கிழத்தியைக்கண்டமைபகர்தல்.
5018. பார்வாய் மலிந்த புகழ்வேத நாயக பானுநக
ரேர்வாய் மறுகில் விளையாடு சேயையொ ரேந்திழைகண்
டார்வாய்முத் தங்கொடுத் தாளது நோக்கச்சிற் றாய்நினக்கிவ்
வூர்வா யிவள்பல ரின்னுமென் றாளய லோரணங்கே. (408)
தலைவியைப்பாங்கி தணித்தல்.
5019. போதார வண்டுறை பூங்குழ லாய்புவி யேழினுக்கு
மாதார மான புயல் வேத நாயக வண்ண னகர்
மாதார மில்லவ ரோபொது மாதர வாவினர்நின்
பாதார விந்தம் பணிந்தார் வெகுளுதல் பண்பல்லவே. (409)
தலைமகள் புலவி தணியாளாகத்தலைமகனூடல்.
5020. இன்னிய மார்குளத் தூர்வேத நாயக வேந்தனகர்
மின்னிய பேரரு ளான் முன்னை நாளின்ப மேவுறத்தீத்
துன்னிய பாலைநம் மெய்ந்நிழல் போற்பின் றொடர்ந்தவண்டு
மன்னிய வார்குழன் மானன் றிதோர்பெரு வஞ்சனையே. (410)
பாங்கி அன்பிலைகொடியையெனத்தலைவனையிகழ்தல்.
5021. அரும்பாய் மலர்த்தொடைத் தோள்வேத நாயக வண்ணனக
பெரும்பாய னீத்துறங் காதே வருந்தவும் பேணுமன
மிரும்பா யகல்வி ரிழிபொது மாதர்த மின்பமொன்றே
கரும்பா யிவளின்பம் வேம்பா யிடிற்பின் கரைவதென்னே. (411)
ஆயிழைமைந்தனுமாற்றாமையும் வாயிலாக வரவெதிர்கோடல்.
5022. இளவேறு போலு மகவைத்தன் றோளி லிறுகப்புல்லி
வளவேத நாயக மால்குளத் தூரன்வந் தான்மனைவாய்ப்
பிளவே யுறாதெழுந் தாற்றாமை யும்பெருத் தோங்கியதா
லுளவே பயன்களு மேன்மேலும் யாஞ்சினந் தூடலினே. (412)
மணந்தவன் போயபின் வந்தபாங்கியோடிணங்கியமைந்தனை
இனிதிற்புகழ்தல்.
5023. திதலைகொள் பூண்முலை யாய்பொது மாதர்தஞ் சேரிசெல்லு
முதலை கொ ணீர்வய லூரனிங் கெய்த முகங்கொடுத்து
விதலை கொள் வேன்றுயர்ப் பேராழி நீந்தச்செய் மென்மகற்கு
மதலையென் பேர்தகு மால்வேத நாயக மானகர்க்கே. (413)
தலைவி தலைவனைப்புகழ்தல்.
5024. சேரார் தொழுங்கழன் மால்வேத நாயகச் செம்மலணி
யேரார் வயல்கழு மூரார் பரத்தையரின் புறினு அசு)
மோரா ரலரன் பொழிந்தா ரலர்வரை யோடு பொரு
வாரார் வனமுலை யாய்பழங் கேண்மை மறப்பிலரே. (414)
பாங்கிதலைவியைப் புகழ்தல்.
5025. பொற்பே யுருக்கொண்ட மால்வேத நாயக பூபனகர்
வெற்பே யுருக்கொண்ட தோளான் பிழைக்கு வெகுளலின்றி
யற்பே யுருக்கொண்ட சிந்தையி னாற்பொறுத் தாளுதலாற்
கற்பே யுருக்கொண்ட பெற்றியள் போலுமிக் காரிகையே. (415)
-------------
ஓதற்பிரிவு.
கல்வியிற்பிரிவு தலைவன் பாங்கிக்குணர்த்தல்.
5026. வெற்பதன் றோவெனப் பொன்னுறிற் சீர்த்தி விளங்குநெறி
நிற்பதன் றோபரு வம்முறி னுண்மை நிரம்பிய நூ
லற்பதன் றோவெனு மெய்வேத நாயக வண்ணலைப்போற்
கற்பதன் றோசிறப் பாநறப் பாயுங் கருங்குழலே. (416)
பாங்கி மறுத்தல்.
5027. நயக்குநின் கல்வி யருள்வேத நாயக நம்பிமுன் போய்
வயக்கும் வகையண்ண லேபிரி வாயெனில் வாள்விழிநீர்
பயக்கும் படி படி மேல் வீழ்ந் தடுத்த பலரையுமிக்
குயக்கு மிறைவியை யாராற்று வாரிஃதொத்ததன்றே. (417)
தலைவனுடன்படுத்தல்.
5028. நற்றவ ரேபுகழ் மால்வேத நாயக நம்பிமுன் போய்க்
கற்றவ ரேயென மேன்மே லறிவுறக் கற்றவெலாஞ்
சொற்றவ ரேசிறந் தார்சிர கம்பிதந் தோன்றவன்பாற்
பெற்றவ ரேயவ ரிற்சிறந் தாருணர் பெண்ணமுதே. (418)
பாங்கி தலைவிக்குணர்த்தல்.
5029. வற்றன வாணுதன் மங்கைநல் லாய்மண வாளரின்று
பெற்றன போதுமென் றெண்ணார் புவியிற் பிறங்குதரு
வுற்றன வான்கொடை மால்வேத நாயக வும்பன் முன் போய்க்
கற்றன கூறிப் பெறநடந் தார்கடுங் கான்வழியே. (419)
தலைமகள் கார்ப்பருவங்கண்டு புலம்பல்.
5030. எல்லா முணர்ந்த புகழ்வேத நாயக வேந்தல்வரைச்
செல்லா மினிதுண் டொருசாபங் கோட்டிச் சினங்கொளம்பு
வல்லாம் பொழியவென் றேயெழு மாலினி வண்கலைகள்
கல்லா முணர்ந்தது போதுமென் றன்பர் கருத்திலரே. (420)
தலைமகளைப் பாங்கி ஆற்றுவித்தல்.
5031. நார்வந்த சிந்தைப் புகழ்வேத நாயக நம்பிவெற்பி
னீர்வந்த கண்ணொடு நீயணங் கேனகு நீரணங்கே
பேர்வந்த கல்வி யெலாமுணர் பாக்குப் பிரிந்தவர்தந்
தேர்வந்த தென்று முன் கார்வந்த தாலுண்மை செப்புதற்கே. (421)
----------
காவற்பிரிவு.
தோழி தலைவன்காவற்பிரிவுணர்த்தல்.
5032. தெளியாய் கலங்க லலங்கலங் கூந்தலஞ் சிற்றிடையாய்
வெளியாய் விளங்கு புகழ்வேத நாயக வேள்வரைவாய்க் க
ளியா யுயிரின்ப மேவுறு பூவுறு காவல் கொள்வா
னளியா யகன்றனர் வன்பரி னீங்கிய வன்பரின்றே . (422)
தலைமகள் கூதிர்ப்பருவங்கண்டு வருந்தல்.
5033. தரைவளர் ஞாயி றெனும் வேத நாயக தாருநெடு
வரைவளர் வாடை யிதுவந்த தாலின்னும் வந்திலரோ
ருரைவளர் மாதரை யோம்புதல் செய்வ தொழிந்து பல
திரைவளர் மாதரை யோம்புதல் செய்திடச் சென்றவரே. (423)
தோழியாற்றுவித்தல்.
5034. செப்போது மென்முலை யாய்விரல் கன்றிச் சிவப்பவொரு
முப்போதுங் கூட லிழைத்தணங் கேல்வெம் முழுமடங்க
லொப்போது வீரப் புயவேத நாயக வும்பனக
ரிப்போது வந்தனர் வான்சரற் காலமென் றெய்த்தன்பரே. (424)
-----------
தூதிற் பிரிவு.
தூதிற்குப் பிரிவு தலைமகனாலுணர்ந்ததோழி தலைமகட்குரைத்தல்.
5035. நாறுகொள் செய்குளத் தூர்வேத நாயக நம்பிவரைப்
பேறுகொள் சீய மிரண்டெதிர்ந் தென்னப் பெரிதெதிர்ந்து
மாறுகொள் வேந்தர் தம் போர் தணிப் பானந்த மன்னரின்று
சீறுகொள் வேற்க ணலாய்தூது மேற்கொடு சென்றனரே. (425)
தலைவி முன்பனிப்பருவங்கண்டுவருந்தல்.
5036. மிகை தோன் றிய புகழ் மால்வேத நாயக வேள்வரைவாய்ப்
புகை தோன் றியவெனத் தோன்றிய தான் முன் பொருந்து பனி
பகை தோன் றியவிடந் தூது சென் றாரிது பார்த்தடையா
ரகைதோன் றியமனத் தேனென்செய் கேனுள் ளணங்குவனே ' (426)
தோழியாற்றுவித்தல்.
5037. துவர்வா யணங்கு வருந்தே லிருவர் தொடர்ந்திழைக்கு
முவர்வாய் நிலத்தடு போர்மாற்றி மன்னருற் றார் தளவப்
பவர்வாய் பொழிற்குளத் தூர்வேத நாயக பானுநக
ரிவர்வாய் மொழிதவ றாரென முன்பனி யெய்து முன்னே. (427)
------------
துணை வயிற்பிரிவு,
துணை வயிற் பிரிந்தமை தோழி தலைமகட்குணர்த்தல்.
5038. போர்கொண்ட மன்ன ரிருவரன் னாருட் பொருந்துமொரு
நார்கொண்ட மன்னர் துணையாகச் சென்றனர் நண்பர் தமிழ்த்
தார்கொண்ட திண்புய மால்வேத நாயக தாருநகர்
வார்கொண்ட மென்முலை யாய்விரைந் தீண்டுவருதுமென்றே. (428)
தலைமகள் பின்பனிப்பருவங்கண்டுவருந்தல்.
5039. சென்றா ரொருவர்க் குதவி செய் வான் மன்னர் செய்யநெறி
நின்றார் பயில்குளத் தூர்வேத நாயக நேயனரு
ளொன்றார் மகளி ரெனயான் கலங்கவிங் குற்றதுவால்
குன்றார் மணிபுனைந் தென்னப்பின் றோன்று கொடும்பனியே. (429)
தோழியாற்றுவித்தல்.
5040. கற்றார் புகழும் புகழ்வேத நாயகக் காளையிக
லுற்றார் மகளி ரெனக்கலங் கேலிக லோடவொரு
விற்றா ரரசுக் குதவியிங் கெய்தினர் வேந்தர் பொழிற்
சுற்றார் கொடும்பின் பனிசெய்ய லாவதென் றூமொழியே. (430)
----------
பொருள்வயிற்பிரிவு.
தலைவன் பொருட்பிரிவுபாங்கிக்குணர்த்தல்.
5041, பொன்னா லெவையு நிரம்பு மெனாமுனப் பொன்னிறமெய்
துன்னா வருந்துநட் கப்பிரி வெங்ஙனஞ் சொல்லுவல்யான்
றென்னா வெனுந்தமிழ் மால்வேத நாயகச் செம்மனக
ரென்னா மெனுமிடை யாய்புக னீவிரைந் தெய்துவனே. (431)
பொருட்பிரிவுபாங்கி தலைவிக்குணர்த்தல்,
5042. ஆசை யுறாத புகழ்வேத நாயக வண்ணல்வரை
ஆசை யுறாருக் கிருமையு மின்றென் றதுகுவிப்பான்
ஆசை யுறாமன்ன ரின்று சென் றாரயில் வேலனுக்கி
ஆசை யுறாமறிந் தொண்குமிழ் பாய்கண் ணணங்கரசே. (432)
தலைவியிள வேனிற்பருவங்கண்டு புலம்பல்.
5043. அருளே கருதிய மால்வேத நாயக வண்ணல்வரைப்
பொருளே கருதி யகன்றன ரன்பரிப் போதுதவா
ரிருளே கருதிய கல்லார் மனத்தி னெழுந்தன நுண் சுருளே
கருது துணர்மாந் தருத்தொறுஞ் சூழ்குயிலே. (433)
தலைவியைத்தோழியாற்றுவித்தல்.
5044. சேலே யனையகண் ணாய்மந்த மாருதத் தேர்செலுத்திப்
பாலே கருங்குயிற் சின்னங்க ளார்ப்பப் பவனிவரு
மாலே யுதவு மதன்வீ றுணர்ந்துவந் தார்கலங்கேல்
வேலே யொளிர்கரத் தார்வேத நாயக வேள்வரைக்கே. (434)
தலைமகன் றலைமகள துருவுவெளிப்பாடுகண்டு சொல்லியது.
5045. பொன்னொன்று மார்பப் புயல்வேத நாயக பூபன்வரை
மின்னொன்று தோன்றுமிப் பாசறை வாய்ந்த மின்னினுக்குப்
பின்னொன்று மேகம் பிறையு மதியும் பிணையுமம்ம
முன்னொன்று மீதிறும் பூதே விதந்து மொழிதரினே. (435)
பாசறைமுற்றி மீண்டூர்வயின் வந்ததலைவன் பாகற்குச் சொல்லியது.
5046. கூறிய சீர்த்திக் குணவேத நாயகக் கோனகர்வாய்த்
தேறிய பாக நளனேயென் கோநினைச் சேரலர்போர்
பாறிய பாசறை நின்றெழுந் தாங்குப் படி நெடுந்தே
ரேறிய யானிங் கிழிந்தே னிருந்தில னென்வியப்பே. (436)
பாங்கி தலைவன் வந்துழி மகிழ்ந்துரைத்தல்.
5047. விரையோ வருந்தொடைத் தோள் வேத நாயக வேணகர்ப்பொன்
வரையோ சிறிதென வானோங்க வம்பொன் வளங்குவித்தா
யுரையோ வருங்கதிர் வேலண்ண லேநல மோவருநின்
றிரையோ வருமிப் புவியினில் வாழ்க்கை சிறப்புறுமே. (437)
தலைமகளோடிருந்ததலைமகன் கார்ப்பருவங்கண்டு மகிழ்ந்து சொல்லியது.
5048. சிலையாக வாய்ந்த நுதலிவள் சந்தனச் சேறணிந்த
முலையாகம் விம்ம முயங்கினம் யாம்பொன் முழுமனை பொன்
மலையாக வாழ்குளத் தூர்வேத நாயக வள்ளல் செங்கைத்
தலையாக மேவுதல் போற்பொழி வாழிய தண்முகிலே. (438)
குளத்தூர்க்கோவை முற்றிற்று.
விருத்தம்.
5049. நூலியற்றி யீதலொன்றே யுன்னதெனக் கோடலைபன் னூலு மோர் நம்
மாலியற்றிக் கொடுத்திடுமைந் திணைக்கோவை யேற்றனையா லளவி லாத
சேலியற்று புனற்குளத்தூர் வேதநா யகமகிபா சிறப்பச் செய்யுட்
பாலியற்ற லேற்றலிவை யிரண்டினு நீ யெப்போதும் பயிலு வாயே . (439)
(நீதிநூற் சிறப்புப்பாயிரம்.)
This file was last updated on 17 Nov. 2020 .
Feel free to send the corrections to the webmaster.